Messi uar lomi cu Football uar lo an si ti si cang ko


Messi cu kum 35 a hun si cang i, atutan World Cup ah hin kum dang bang in thil a ti kho ti lai lo tiah an ruah nain ataktak aa celh ning an vun hmuh cio tik ah an khuaruah a har cio ko.

Argentina Team ah aa telmi bawlungchuihtu Nicolas Tagliafico nih, “Messi hi a dam chung paoh kan sin ah chuih seh ti kan duh. Kan sin ah aa tel paoh ah kan hna a ngam. Vawleicung bawlung zatlang ca zong ah a sunglawi khun,” tiah a chim.

Hlanlio Argentina bawlungchuih mintang taktak a simi Jorge Valdano nih cun “Messi nih hin bawlungchih a thawtnam hi a langhter. Atutan World Cup ah hin a min a thang khun i, mipi he pehtlaihnak thuk chinchin in a ngei,” tiah a chim.

“Messi hi cu ahlan Maradona bantuk bak kha a si ko. Messi a uar lomi nih hin cun bawlungchuih zong hi an uar lo tinak a si ko,” tiah TyC Sports biahalnak ah a chim.

Argentina kawlbawh Emi Martinez lebang nih cun, “Messi nih World Cup hrai a kan thlirpi kawh ding hi kaa ruahchan bik ko. Zei paoh tuah ka ngamh. A caah cun ka nunnak tiang in ka pek lai,” ti bak in a chim ko.



Source link

Add a Comment

Your email address will not be published. Required fields are marked *