Mi zeirello tukmi Brazil an sung, sungh phu an si


Mi zeirello ngai in goal a lawmh tawntu Neymar te ram Brazil cu Croatia nih ruah lo taktak in Penalty in an tei hna.

Minute 90 ah an i tei khawh lo caah Extra Time minute 30 an pek hna. Extra Time ah goal khat veve an i sut hoi.

Penalty an i sut i Croatia nih (4) 1-1 (2) in an tei diam ko hna. Bawlung lei commend a petu ramdang mi tampi nih cun mi zei ah an rello tuk, sungh phu an si, tiah an chim.

Manchester ah caan saupi bawlung a rak chuihmi Roy Keane nih cun, “Ka uar lo ngaingai. Micheu nih Brazil nunphung a si an ti. Asinain, South Korea he an chuih ah khan Brazil nih goal 4 an sut hna. A voi khatnak an goal i an lam kha cu a si awk a si ko. Asinain, an goal tinte mahti rumro lam kha cu mizeirello a si i, zoh zong a dawh lo. Ka zoh hna ah kei cu kaa nuam lo,” tiah Sky News ah a chim.

Croatia nih Brazil cu inn ah an kuat cang hna.

Brazil cu World Cup tuanbia ah voi 5 tiang pakhatnak a rak hmutu an si i, atu tiang ah anmah tluk in World Cup hrai tam a thlir khotu an um rih lo.

Asinain, mizerello in porhhlawt tuk in an um caah atutan cu puantom zual in inn ah an tlung ko cang lai hih.



Source link

Add a Comment

Your email address will not be published. Required fields are marked *