Min Aung Hlaing A Lau Cang~ India Special Commando Force Ramri An Phan, Loan Payment

India -Myanmar ramri Manipur peng Moeyee khuapi ah India cozah nih Special Commando Force a ralkap pawl helicopter pakhat in July 7 chun ah acrak kuat cang hna tiah theih a si.

Moeyee khuapi khuasa Tamil miphun kum 28 a simi le kum 36 a simi hna cu Myanmar ralhrang kuttang Pyusawhti hna nih July 5 ah khan an hawikim Myanmar pa an va tlawnnak ah meithal in thilak an kah hna. Myanmar ralhrang nih a tubantuk in India rammi pahnih an kah thah hna caah India miphun pawl nih sandah an piah hnu ah India cozah nih ramri humhimnak cawngh ding in commondo special force pawl a rak kuat mi hna an si tiah khuami hna nih an chim.

Ralhrang uico pawl nih Tamu khuapi ah India rammi pahnih an kah thah hna hnu ah Moeyee khua in Tamu lei luhchuah india cozah nih a thluah hna. A hlan bantuk in an lutchuak ngsm ti lo tiah khuami hna nih an chim. India rammi pahnih a kahthah tu hna hi Ralhrang kuttang pyusawhti Phu Sein le Zaw Ye an si tiah PDF nih cathanh an chuah.

Ralhrang chimphuannak nawlngeitu Zaw Min Htun nih kanmah nih kan kah thah mi hna si lo in PDF nih an kah thah hna tiah a chim ve. Mah kahthah mi india rammi pahnih cu ralhrang nih an ruak mei in an khangh cang hna caah Tamil miphun pawl an thinhung tuk hna.

Ralhrang cu an lihmi a si. India rammi pahnih an kahthahnak hmun Tamu khuapi Sawbua sang cu ralhrang le Pyusawthi nih humhma an laknak a si. Kanmah PDF pawl hmanh cuka hmun ahcun luh ngam lo nak a si tiah Video in PDF nih an chim.

A thimi hna india rammi pahnih an ruak pek ning in India tami miphun pawl nih an hal chih nsin an pek hna lo caah Ralgrang sAkhan ramri um pakhat ciam dihlak mei in an khangh dih. Sandah piahtu pawl hna nih hin We want Justic tiah an au hna in ralhrang pyusawthi hna nih kan Tamil miphun an kah thah mi hna cungah dikfel tein kan duh tiah an au hna. Source-DVB

Be the first to comment

Leave a Reply

Your email address will not be published.


*