Min Aung Hlaing An Sung Ah Siseh, An Awng Ah Siseh Dr. Ngun Cung Lian Te Pawl Caah Thinphang Dai Lo Bak A Si Ko Cang – Onlinenungak


Ka ruahrem lo ngaimi pakhat cu,MAH a sungh,tlak lai or teinak lei zong va si ko sehlaw, Dr NCL te pawl hi chuakvaak kho loin bawm chungah a erhkhumh hna lo hmanh ah a nawn te men hna lai tihi ka ruat ngai.

Ralhrang thiltuah le hmailei an i tinhmi pawl,an chung biathli hi ralhrang ruahnak pe tu tluk in a lengmi ah a theitu an um lai lo caah MAH nih ruahnak petu ah aa chiahmi hna hi nungdam in a chiah hna lai hi zumh har pah. Credit: Salai William Hlawnceu

Adang: CDF/CNA Valpa sin in biacah.. Ka nu ka pa, ka u ka nau, ka dawt le hna kei cu nunnak pakhat ka ngeih ve mi hi a herh ahcun, Miphun le Ram a damnak hnga le Zauk pennak kan titawnmi kha kan phak khawh nakhnga ka pek lai tiah biakhiahnak tuah in hriam ai tlaihmi pakhat dirhmun ah ka hung dir cang.

Nan caah le ka ca ah le Miphun pi huap in nunnak thaptu le petu kan tlawmtuk ca ah an nih rian a si tiin mizei minung tuahtuan awk rian ah ka chia kho lo, kei i ka ruahning cu keimah hrimhrim hi Pathian nih kan ram ca ah a ka herh tihi kai ruahchih. Ka nunnak hi Pathian kutah ka chanh i ram ca ah a herh ahcun thisen le nunnak kha siang tein ka peklai tiah kan Miphun aaline(Flag) hmai ah le kan biak Pathian hmai ah biakamnak ka tuah cang ca ah,

ka nunnak siseh, ka caan siseh ka thluak ka ruahnak hna zawng hi miphun nih a herhnak zawn ah a hman ding an si cang,Cucaah keimah siarem ning le chungkhar lawmhnak zawnruahnak he lawng ka nung kho ti lo, ka tuahmi thilkip ah ram le miphun ruahchih peng a hau cangmi ka si ti ka philh piak hlah.

Kan ram dothlennak a dihtiang khi le, zalennak a hmuh tiang nan sinah kaa telkho in ka hmun ve kho ti lai maw! A silo ah vawlei ah dah ram ca ah ka kirlai ti hi a fiang lo mi lamthluan ah kei cu ka kal cuahmah lio a si, kei ka sa duhthah cu zeihlan cem ah kan ram ngamdam seh, kan ram nih luatnak darkhing tumseh law, cu hnu ah chungkhar, u nau nu le pa, peng le tlang, khua le rammi nan sin ah lawmhnak he van kir than hi ka duh bik an si hna.

Ka zulh cangmi lam hi a dongh ka phak nakding hi a fiang lo mi a si ca ah, kan i tong than lai maw? Kan i tontawn mi kan i chawnhtawnmi hna le hmunkhat te tirawl kan dum titawn mi hna kha, kan tuahfatin kan nih CDF/CNA kan ca ahcun a dongnak bik ni an si zungzal ko. Kan nih cu kan nunnak 100 ah 90 hi ram le miphun ca ah kan pek i 10 hi chungkhar u le nau nu le pa, Dawtmi, nan ca ah nihin do kan thlen chung ahcun kan pekmi a si. Kan nih cu thicia ah kan ruat u law! Nun dam in a um zungzal ding zawngah kan ruat fawn u! Cuticun nifatin kan nunnak ah kan daw in kan cawnpiak ulaw, cucu kan nih ca ah a sunglawitukmi dawtnak an si….

Kan nih kan liamhlan kan nunchung caan kan hmanmi hi thluachuah bawngmalza Bawipa sinah kan nawlpiak u law, nan sin nan hmaika nan kut tonghkhawh kan um caantawite hi kan daw hram u! Kan nih nan kan dawt cu, Kuan, mehhang, kan nih ca ah kan thilri kan phurrit nan kan chan i nan kan zoh khenhmi hi a si ko,

kan nih kan liam hnu, nan mitthli, nan tuahsernak cu kan ca si ti lo in, nan caah a si deuh, nun lio dam lio i dawt tluk a sunglawimi a um lo, Dawtnak timi cu nunlio te ah tuah hi Pathian nih dawtnak a timi a si, thihhnu pin lei ralcu Pathian nih ri a khiah cangmi an si ca ah siamremh in i chirlen awk a tha tilo mi caan kan hman te dingah sermi a si cucaah nun lio dam lio ah kan daw u law kan kilhim u!

Vawlei kan um chungah dawtnak langhter khawh caan a tampi lio ah tuah kan hngal tawn lo! Hihi voitampi CDF/CNA Paraltha hna ruakkuang cung ah tahhla lawh in, kan daw manh lo kan tuahpiak manh lo ti a tam, kan dawtmi hna vawlei in hrin a si ni in nihin tiangah kum le caan na zi suimilaam zeizat ko dah liam, cucaan vialte cu dawtnak caan ah a za lo maw! Pathian nih ri a kan khiahpiakmi caan a kan pekmi a dihhnu ah ziah hen nan kan dawtnak hi langhter nan timhtawn!

Santlai lo mi ah i hngat lo in santlai mitu ah i hngat hna usih.. CDF/CNA cu dothlennak a dih hlan lo kan nunnak 100 ah 50 cu a thicia mibantuk kan si ca ah a tangmi kan nunnak tu hi fektein a dirpeng khawhnaklai, kuanzen,hriamnam, le ruahnak thathale Pathian sin bawmhhal piaknak he kan dirkamh u law cucu kan nih ca ah dawtnak sung an si ko…

Ka u ka nau, ka dawt,ka nu ka pa a tu bantuk caan hi tonti kan duh lo ruangah, Ramtang ah fikfa,cangvat,nilinruahsur,khuasik harsatnak phun zakip tuar huam in dothlennak kan tuahmi hi a si. Cucaah nihin hi kan nih nan kan dawtnak langhter caan cu a si, tucaan ah nan kan dawt lo ahcun caan an liam lai. Minung nunnak rikhiahmi caan tawite ah hin dawtnak thlum kha i hrawmh cio ko hna usih..

Kan nih kan dawtmi cu, miphun le ram pin ah nanmah kha nan si hna, cucaah kan thinlung hi hriam kan i tlaih i kan thisen, kan thlanti a chuahcuahmah lio zawngah nanmah kha hlam le zawnruahmi nan si ko! Bawipa nih kan dirpi sehlaw teinak thantar kan thlir hlan kan kilhim cio ko hna seh….. By : Salai DK

AA le SAC Kahdaihnak A Tuah Tertu Hi Chinram Paletwa Asi. Mr. Kwatra, India Palai cu 20-23.11.2022 ah kawlram ah ara. Ni 2 a cam. MAH te cu Cozah ah India nih an cohlan hna caah MAH cu lawmhnak in a khat. Lawmhnak thlam ka lungchung ah a um tiah ZBC hla a sak. Mr. Kwatra nih Twitter ah SAC cu Kawlram cozah an si tiah a tial. Nuam ngai in le rumra ngeih ngai in an I thlak mi hmanthlak tampi a tar. Kawlram Rallokap news ah cahmai le aphaw bak ah an hmang ve. Cucaah MAH nih India duhmi le hal mi tuah piak dih a duh.

Kaladan Project thawk ṭhan a herh tiah Mr. Kwatra nih a ti. Kaladan Project cu Kyaukphyu in Gas lak nak, India le Paletwa pehtu hlei le lampi, Cu lam cun India – Thailand Sipuazi lamthluan asi. India – Chin (PLW)-Rakhine- Thailand-ASEAN lampi thluan asi lai. Cu lampi thluan in, Tuluk kha India nih tei a duh. Sipuazi le Superpower ah Tuluk phan Asiloah Tuluk tei ti kha India Policy asi. Cucaah Nipidaw ah a ṭhu mi poah cu Kawlram cozah nan si tiah Mr. Kwatra nih a ti.

Kaladan Project thawk ding ah raldaih a herh. Paletwa Ralhrang cu AA le Rallokap an si. MAH nih Japan a hawipa Dr. Sa Sa (Nippon Foundation Hotu) aa rawi i AA cu an lem hna. AA nih YES / AMEN an ti. Rallokap cu AA nih Pungnaa Tikulh lam in a phihkarh dih hna, an nung buin thah a timh hna. Bangladesh lei cu SAC nih an phih ve. Rakhine mipi eidin tirawl sii ai an har cang. Dr. Sa Sa Kawa nih tampi kan bawmh hna lai ati, Mr. Kwatra nih Rakhine ṭhanchonak caah India nih tampi kan in bawmh hna lai a ti ve. Cucaah AA nih THADUH AMEN a ti cu asi.

Paletwa cu Suingun le lungvar ram asi ti kha tu lawng ah NUG le ICNCC upa nih hngalh hram an thawk ve. Dr Lian Hmung Sakhong, Pu Isacc Khen le Dr Sa Sa nih Paletwa cu NUG nih kan laklai, a luat mi ram ah kan siam lai tiah an tlawk ciar ve cang. Kawlram a luat hmasat mi ram ah CHINRAM Paletwa siseh tiah an au ve cang. Dr Lian Nih ICNCC cu NCA tan lio ah Zatlang bu hnatlaknak le cohlan nak in rianṭuan awk ah NCF nih rak thawk mi asi cang tiah a ti chih.

AA le Rakhine mifim hna nih Paletwa an duh hi tuak ngai a herh. Rakhine in Facang ei cawk lo le gas hman cawk lo a chuak. Paletwa cu Israel ram bangin cinthlak nak in rum khawh asi. Rakhine gas cu Mei le seh (Machine) Thazang in hmang asi lai caah minung nih thlawhṭuan a herh ti lo.

Vawlei kili kha Paletwa in Organic tirawl kuat asi lai caah rumnak asi. Israel bangin thlairawl in rum khawh nak Paletwa Chinram asi. Natural Resources tampi aum. Timber le Non timer product in rum khawh asi. Pathian Kutzung thingram an tampi rih caah UNESCO duhmi world heritages tampi cu Chinram Paletwa ah an um. Tourism le Hotel in rumnak a chuah pi tu ding asi. Leichung Lei tang thil man sung tampi relcawk lo aum rih.

Vawleipi he directs in pehtlaih khawh nak cu CHINRAM ah Paletwa lawng a um. USD tampi hmuhnak Paletwa asi. Big Big Money ram PLW asi. Cucaah AA nih an duh tuk hrinhran. Umnak kan ngeih lo tiah an silhnalh i PLW ah a um mi AA an si.

CHINRAM rumnak phawrh tu ding hi Paletwa le KALAY KABAW GANGAW asi. Cucu kan khumzual lo ah zeidah kan khumzual ti lai. CNF nih Paletwa ah camp Victoria nan rak tuah awk asi. Camp Victoria hi Paletwa tu ah ṭhial ding asi. Nan ṭhial duh lo ahcun, 2nd HQ tu chiah ding asi. AA an um ti lonak hnga le PLW kan sungh lo nak hnga.

India nih CHINRAM PLW kong ah Rallokap le AA a tawn hna ti cu ningzak zong kan si. Zeidah vawleipi level in CHIN Politicians kan um ko tiah kan ti hnawhchan nak?? Sullam a ngeih lo. Kan ram le kan miphun kong cu kanmah tein Khuakhan Lairel ding ti asi lo maw? Paletwa Kong cu maw India Kalapa,

Kawl sachiat Rallokap le CHIN Satan AA nih Lai an rel lai I khuakhan Lairelnak cu an tuah kun lai, CHINRAM Paletwa Theipar cu maw, Rakhine pa, Kawl pa le Rallokap, India Kalapa (Kawlvaipa) nih khim tein an ei kun lai?? Mah le mah hri awk phu hmanh asimi CHINMI kan si ko lo maw/ zaseh thin linh tuk Palia, Lainawng a fawi te caah, ……. Credit: JRT


Post Views: 18



Source link

Add a Comment

Your email address will not be published. Required fields are marked *