Min Aung Hlaing Changtu Ralbawi Soe Win-Kanmah Rammi Le Rammi Kan I Thah Hi A Poi Taktak

Seo Win: Kanmah rammi le rammi kan i thah kan i nawn hi a poi tuk mi a si. Kanmah le kanmah kan sung ko.

Myanmar ralhrang ah Min Aung Hlaing chang tu a simi Seo Win cu kan hnu ah khan Kayah ramkulh Loikaw khuapi ah a va kal ralhrang chungkhar pawl a va tlawng hna tiah theih a si.

Kayah ramkulh Loikaw khuapi ah a um chung ah biaknak lei hruaitu upa pawl he biaruahnak an ngei. Khrihfa, Muslin le Budhish pawl pathum fonh in biaruahnak a ngeih hna. Cu biaruahnak ahcun Seo Win nih a tang lei pawl hi a chim.

Kan ram buainak kong ahhin biaknak leu upa nih rian tampi nan tuan khawh. Kan ram daihnak le remnak ding caah biaknak lei upa pawl nihhin rian tampi nan tuan khawh mi a si. Kan ram ah meithal kahnak a um lonak hnga ding caah biaknak lei upa hna nih fak piin riantuan i zuam uh.

A tu ah Kawlram hmun kip ah kahnak a chuak. Hriamtlai lei zong an thi i kanmah lei zong kan thi. Sualnak ngei lo mipi zong tampi an thi. Mahhi kan zoh a si ahcun kanmah rammi le rammi kan i that, kan i nawng a si caah a ho dah a sung tiah cun kanmah rammi pei kan sung ko cu. Kanmah le kanmah kan i thah kan i nawnmi hi a poi taktak.

Kawl ralkap nih uknak cankar lak uknak kan tlaih mi hi Aanating a si lo. Aanating nan kan timi hi Aanaa kan ting mi a si bak lo. Thimnak ruang ah can kar lak uknak kan van tlaih chung mi a si. Thimnak kan tuah than lai i mipi sinah uknak kan pek than te ko lai tiah Seo Win nihcun a chim.

Kayah ramkulh cu miphun ralkap hna nih 90% kan uk khawh cang tiah an thanh. Loikaw khuapi zong ah ni tam ngai kahnak a chuak cang i Kawl ralhrang tampi an nunnak a liam cang.

Kayah ramkulh ah ralhrang pawl ral an sungh tuk ruang ah ralhrang bawi Seo Win cu Loikaw ah a ratnak a si tiah an chim.

Be the first to comment

Leave a Reply

Your email address will not be published.


*