Min Aung Hlaing Cu A Chim Hlan zong a ngai dih than cang lai

Asean hnatlaknak phun nga a tuanchuah hlan chung cu SAC ralhrang hi Asean meeting chung tel khawhnak lam kan phih peng lai tiah Cambodia ramleng vunci Prak Sokhonn nih a chim.

SAC ralhrang Min Aung Hlaing nih Asean hnatlaknak phun nga a zulh le a tuanchuahnak pakhat hmanh a um hlan lo chung cu Asean meeting ah tel khawhnak lam kan phih peng ko lai tiah Asean ohkathah Cambodia ramleng vunci Prak Sokhonn nih nihin press conference ah a chim.

Asean nih SAC ralhrang cu asean hnatlaknak phunnga a tuahchuah lo ahcun zeibantuk meeting hmanh kai kho lo ding in biachahnak kan tuah tiah a chim fawn. SAC ralhrang nih Asean hnatlaknak phunnga chungah thanchonak a tuah mi a um acsi ahcun Asean zong nih kamkhat lei in khua a ruat than lai tiah a chim rih.

SAC Min Aung Hlaing nih Asean hnatlaknak phunnga cu ka zulh lai tiah biakamnak kum 2021 lio ah a rak tuah nain nihin tiang pakhat te hmanh a zul duh lo caah Asean meeting ah kai kho lo in an kham nain a zul duh hlei lo. Ramchung ah kahnak a tuah chin lengmang i ramkhel thongtla mi zong thihdan tiang a pek hna caah hinak zual in a cawlcang peng rih ahcun a caah tihnung thil a chuak kho tiah Singapore ramleng vunci nih a chim ve.Ref- Khitthitmedia

Be the first to comment

Leave a Reply

Your email address will not be published.


*