Skip to content
Home » Min Aung Hlaing Cu Ralkap Nupi Le Nih Thah An Timh Cang

Min Aung Hlaing Cu Ralkap Nupi Le Nih Thah An Timh Cang

Min Aung Hlaing cu ralkap nupi le pawl nih thah an timh cang. Min Aung Hlaing cung ah ralkap nupi le an lung a tling ti lo.

Kawl ralhrang pawl ral an tuk tikah tamtuk an nunnak a liam. Tamtuk hliam an tuar. Raltuknak hmun an thih tikah an ruak hmanh an i la kho ti lo. A thimi ruak lak loin an kir tak men ko hna.

Cu ruang ah Min Aung Hlaing cung ah ralkap nupi le an lung a tling ti lo. Ralkap nupi le nih Min Aung Hlaing cu fak tuk in an ti cang. A tuletu hi ca an kuat tiah ralkap bawi chung lila in thawngpang a hung chuak.

Min Aung Hlaing kan pasal le ralram ah an kuat hna. Ral na tuk ter hna i an thih tikah an ruak te tal cu kan sinah na phurh hna awk a si. An ruak tal cu nupi le fale sinah na phak pi hna awk na rian a si tiah an ti cang.

Kawl ralhrang raltuknak hmun an thih tik ahhin bothum a simi lawng hi Helicopter in an ruak an lak tawn hna. A tang a thimi poh hi an ruak an la ti hna lo. An ruak an lak hna hmanh ah lamkam ah an hlonh tawn hna. Cuticun ralhrang pawl hi an um cang.

Min Aung Hlaing nihcun ralkap nupi le zong kha meithal kah an cawnter cang hna. Sakhan a ummi ralkap nupi le fale poh kha meithal kah ralkap tintan an pek hna ti zong theih a si.

Ralkap a thimi an nupi le ai dawh deuh mi poh kha an bawi le nih an soilem hna i zan ah an ih pi tawn hna ti zong thawngpang a chuak. Mahhi ruang ah an mah ralkap chung ah buainak fak tuk a rak chuak bal cang.

Min Aung Hlaing cung ahhin an mah ralkap lila hmanh lungtling lomi tamtuk an um cang. Ralkap chungkhar zong lungtling lo tamtuk an um cang. An lung ai rual ti lo. Thla hlawh zong tha tein an pe kho ti hna lo

Kan ithawh deng ah khin khuami pakhat nih a rak tli I arti pumhnih lampi ah va ding te tiah a ka pek Chinland Army Kalaymyo