Min Aung Hlaing Lungdong Tuk Cang, Uknak Hi Kaltak Khawh A Si Cang

A thimi an tamtuk cang caah Min Aung Hlaing hi a sungkhan dawh a si cang.

Ralkap nih uknak an lak hnu ahhin Kawl ralkap hi a tlawm bik minung 20,000 hrawng cu an thi cang lai i minung 15,000 hrawng hi hliam an tuar lai tiah zumh le ruah a si.

Kawl ralkap nih raltu kho taktak cu mimung 70,000 hrawng lawng an si tiah an chim. Mahhi CDM a tuah mi ralbawi pawl nih an chimmi a si.

Min Aung Hlaing nih kum 2023 ah thimnak kan tuah lai a rak ti. Thimnak kan tuah lai i teitu a simi party sinah nawlngeihnak tha tein kan pek lai tiah uknak an rak lakka ah khan a rak chim.

A tu ramchung ah fak tuk in raltuknak a chuah hnu ahhin Kawl ralhrang pawl tamtuk an thi i tamtuk hliam an tuar cang caah an mah le anmah kar ah daihnak a um ti lo. Zumh lonak in an khat cang.

Cu ruang ah Min Aung Hlaing hi a buai ko cang. A kuttang bawi pawl a zum kho ti hna lo. Anmah ralkap chung bawi lila nih a leng ah thawngpang an chuah ter cang.

Min Aung Hliang hi a lung a dong ngai cang caah uknak hi mipi sinah ruah lo piin a ap te khawh a si ko tiah thawngpang a chuah. Cucu an zumh sawhnak lawng a si. A si taktak lai tinak a si lo.

Sau cu a rau ti lai lo timi cu a fiang cang. A ruang cu ralkap an zor tuk cang. Ralkap chung ah buainak a tam ngai cang. Cansau cu an rau ti lai lo.

Be the first to comment

Leave a Reply

Your email address will not be published.


*