MIn Aung Hlaing- Myanmar ram A Dai Tuk Cang

Rampi a daituk cang tiah mipi uknak chuttu ralhrang Min Aung Hlaing nih Naypidaw ralhrang meeting ah nizan may 31 ah a chim.SAC nih rampi rian tuanvo kan lak thawkka ahcun ruahnak a rak i dang mi a tamtuk, cheukhat EAO pawl nih forhfiaknak ruangah ram chungah ralhrang cheukhat an hung chuak.

Nihin tiang zong hi ralhrang cu an chuak rih ko nain ralhrang pawl thianhhlimhnak ah kan si khawh tawk in le thihlohnak a tlawm khawh chung ding in kan i zuam bantuk in a tu ahcun rampi a dai tuk mi kan phan than cang tiah ralhrang Min Aung Hlaing nih a chim.

Tukum fimcawnnak ah hin Basic sianginn telh in onn ding kan hun i zuam tik ah siangngakchia ting le sawmkua renglo nih sianginn an rak i ap cang. University le college zong siang cacawm hram an hun thawk cang tiah a peh.

Cun ramchung chawlehnak he zong pehpah in a herh mi ramleng in a lutmi zong rikhiah a si ko nain nihin tiangah cun ramchungah eiding le hmanawk datsi ti bantuk a dongcat timi um lo in kan tawlrel khawh ko tiah Min Aung Hlaing nihcun a chim.

Ralhrang Min Aung Hlaing nih rampi daihnak kan phanh cang tiah a hmurka in a chim ko nain a tak ahcun Kayin ramkulh, Chin Ramkulh, Kaya ramkulh, Kachin ramkulh, Shan ramkulh, Maggwe ramthen le Sagaing ramthen hna ahcun ni fatin ah kahnak a zual hma chin lengmang. Ref-RFA

Be the first to comment

Leave a Reply

Your email address will not be published.


*