Min Aung Hlaing Nih A Rauhhlan Ah A Tuah Dingmi Thil Rapthlak

Kawlram ah ralkap nih uknak an lak hnu ah ralhrang pawl phaisa hmuhnak ding lam a har tuk cang. An phaisa hmuhnak ding lam a pit thluahmah cang i tamtuk a pit cang.

Ramdang company hna nih Kawlram ah hram an bunh mi pawl an lak thluahmah hna. An lak thluahmah rih len hna lai. Ramdang company nih Kawl ralhrang an zumh ti hna lo caah le ram chung ah duh ning in riantuan awk a that ti lo caah an rian an ngol len cang hna.

Kawlram ah a chuak mi lei tang thil chuak le zei dang sipuazi pawl zong duh ning in ralhrang nih ramleng ah an zuar kho ti hna lo. A ruang cu ramri ah hriamtlai an tamtuk cang caah Motor in ramdang ah thil an kalpi kho ti lo.

Thailand ah thil kalpi an duh tikah ramri ah hriamtlai nih an kham hna. China le India zong ah thil an kalpi kho ti lo. Bangladesh ti bantuk zong ah ralhrang nih an duh ning in thil an zuar kho ti lo. Vanlong lawng tein thil an zuar a hau cang. Cuticun ralhrang pawl sipuasi lam cu a pit tuk cang. Tu hnu ah a pit chin lengmang than lai.

Cu ruang ahcun ralhrang Min Aung Hlaing nihhin a phaisa laknak caah mah hi thil hi a duh zong duh lo zong ah a tuah a hau te lai. Kawl ralhrang uknak chiahru nih an rak tuah balmi a si.

Min Aung Hlaing nihhin Kawlram ah ai dawh deuh mi nu poh kha a tlaih hna lai, thong ah an tla tiin mipi a kan hlen lai. Chungkhar nih ton khawh an si lo tiin a kan hlen te lai. Sinain mah nu pawl a tlaih mi hna kha ramdang ah a kuat hna lai i hlawhlang rian a tuan ter te hna lai. Cu hlawhhlang rian in hmuh mi phaisa cu Min Aung Hlaing nih ai lak te lai.

Cu pinah pa zong a tlaih hna lai i thong ah an tla tiin hlen le chungkhar nih ton khawh lo tiin a kan hlen lai. Ramdang ah a kuat hna lai i sal rian a tuanter hna lai. Mah cu phaisa cu Min Aung Hlaing nih ai lak te lai. Tuluk ram maw, India ram maw, Russia ram maw, Iran maw Pakistan ram tibantuk in a kuat te hna lai. An chungkhar le nih thawngpang theih khawh lo ding in a tuah te hna lai.

Min Aung Hlaing nihhin Kim Jong-un nawl hi ai chawn chin lengmang cang. A mah upat le conglawmhnak zong special in tuah a timh. Kim Jong-un bantuk phun in um kha ai timh cangmi a si.

North Korea hruaitu Kim Jong-un zong nih mah bantuk kha a tuah pengmi a si. North Korea nungak muidawh tete kha an tlaih hna. Russia ram le China ram ah a kuat hna i hlawhhlang rian a tuan ter hna. Mah cu phaisa cu Kim Jong-un nih ai lak.

North Korea pa tampi kha ramdang ah a kuat hna. Rian hrang an tuanter hna i an nihlawh vialte kha Kim Jong-un nih ai lak tawn. Cucu Kim Jong-un a phaisa hmuhnak lam pakhat a si ti kha an chim tawn.

Mah bantuk hi Min Aung Hlaing nih a tuah te hrim lai tiah zumh a si. Kawlram ralhrang hruaitu pawl nih a hlan lio pi zong ah an rak tuah bal cangmi a si.Crd-Thestar

Be the first to comment

Leave a Reply

Your email address will not be published.


*