Min Aung Hlaing Nih A Tulio A Ruah Bik Mi A Chim Mi Cu

Thimnak kan tuah khawh lo a si ahcun Myanmar ramchung mipi pawl nih caantha nan sungh a si lai tiah Min Aung Hlaaing nih a cang.
Chokhleipar

Tulio Min Aung hlang nih a ruat ngai mi thil pakhat cu Myanmar ram thimnak tuah than ka timh mi hi ka hlawhtling te lai maw a tling te lai lo dah ti hi asi. A ruang cu thimnak a tuah khawh lo ding a si ahcun a mual ai phoh ko lai caah a si khawh chung in thimnak tuah khawhnak ding caah a tu te in a cawlcangh cang.

Nizan ralhrang tintan a dihnak biachiamnakna ngeih lio ah ralhrang Min Aung Hlaing nihcun thimnak kan tuah khawhnak ding caah ramchung a daih hmasa a herh, thimnak kan tuah khawh lo ahcun myanmar ramchung mipi nih caantha kan sungh a si lai tiah a chim.

Hitin rqlhrang tintan a dihmi hna sin ah a chim mi ruat tik ah ralhrang Min Aung Hlaing nih hin tulio a kuttang pawl nih rampi daihnak an si ter khawh lo zia le zeitluk in thimnak tuahthan nak ding a har lai timi ai fiantuk ciq caah ralhrang a uico pawl nih khulrang deuh in PDF le CDF pawl hna hi daihter duhnak thinlung ngei hnaseh timi timhtuahnak he a chim mi a si.

A chim rih mi cu ram chung ah remdaihnak taktak a um khawh lo i thimnak kan tuah khawh lo ahcun rampi nih caantha kan sungh a si lai. Kum 2020 thimnak cu hlennak ruangah rampi nawlngeihnak hi kum 2008 phunghrampi ning in caan zei mawte uknak hi kan tlaih chung bia a si. Ram mipi nih kan duh cio mi Multi-party democracy in kan kalpi khawh nak ding caah thimnak tuah khawh a herh tiin Min Aung Hlaing nih cun a kuttang pawl cu a forh hna.

Cu hnu ah Thimnak cu ram pumpi ning in kan tuah khawh lawngah mipi nih kan duh mi Multi-party democracy cu kan hman khawh lai i democracy le federal hram aa bunh mi ramkulh komh kan dirh khawh lai. Cucaah ralhrang uico ka kuttang pawl nih nanmah le na va umnak hmun i rian nan tuan tuk ah ralhrang uico kan khinh mi hna rian hi tlamtlinh khawh nan zuam a herh tiah Min Aung Hlaing nih cun a chimh hna.Source-CNI

Be the first to comment

Leave a Reply

Your email address will not be published.


*