Min Aung Hlaing Nih Khupbil In Mipi Ngaihthiam A Kan Hal Caan A Ra Cuahmah Cang

Min Aung Hlaing nih ka palh tuk ka ngaithiam uh tiin khup bil mipi a kan nawl ding mi can a ra cuahmah cang.

Min Aung Hlaing nih uknak a lak hnu ah kan ram hruaitu upa vialte cu a tlaih hna i thong  a thlak dih hna. Sual lo sual a puh hna i thong a thlak hna. Dai tein lam a zawh tu mipi pawl kha a thah hna. Dai tein inn chung ah a ummi zong kha a thah hna.

Mipi lei nih Min Aung Hlaing hi a nemnak in ti ci a si ti lo tiin meithal bak kan thuat ve cang lai ti a si caah Kawlram chung mino poh PDF tiin le tlangcung miphun mino poh mah miphun min in hriam kan tlaih dih cang hna.

A tu cu kum khat hmanh a tling rih lo. Kum khat hlan ah ralhrang tamtuk an thi  i hliam an tuar cang. Ralkap sizung ah hliamtuar an khat cang. Raltuknak hmun ah an thi ruak hmanh an i la kho ti lo. An i kaltak thlauhmah cang. Ralhrang bawisang pawl tampi an nunnak a liam cang.

Kawlram chung ahhin zoh ulaw Tlangcung miphun ram ahcun ralhrang an cawl kho bak ti lo. Tlangcung miphun ram ah ralhrang hi an dih ngacha te lai. A hnu bik ahcun Nay Pyi Taw khuapi a veng tu ralhrang lawng an um te lai.

Nay Pyi Taw khuapi lawng a tan tik ahcun mipi ralkap vialte nih Nay Pyi Taw cu an thlak buat lai i kan lak thiamthaim te lai. Min Aung Hlaing caah lam a bi chin lengmang ko cang.

A donghnak ahcun mipi le kan ram hruaitu hna hmai ah ka palh tuk ka ngaithiam uh tiin khupbil in a kan nawl can a phan te lai. Cu caan cu a ra cuahmah cang. Sihmanhsehlaw upadi nih ngainthiam a ngeih lo caah a sual ning bantuk in Min Aung Hlaing cu hri thlai in thah a si te ko lai.Cred-Thestar

Be the first to comment

Leave a Reply

Your email address will not be published.


*