Min Aung Hlaing Nih Thai Vuncichoh A Lutaw Hngalh Lo In A Hlen , Thai Mipi pawl An Phunzai Tuk Hna

Myanmar Min Aung Hlaing nih a raltuk vanlawng Jet Fighter Thairqm chung a luhter mi cu Thai Vuncichoh nih biapi a si lo tiah a chim.

Thailand ram vanral lamthluan ah Myanmar ralhrang Jet Figter nizan ah khan a zuan caah Thailand mipi pawl cu an lautuk hna i an thinhung tuk hna nain an vuncichoh nih khi hna cu Zwihmanh ruah ding a um lo a thi caah Thai mipi pawl an phunzai hna.

Nizan ah khan Min Aung Hlaing vanlawng Thailand humhaknak hmun chung a va luhsual bak in Thai cozah nih F16 vanlawng pahnih an zuanter colh ve. Thai Vuncicho nihcun internationalnphungphai ning in Jet Fighter pahnih pahnih kan thlah colh ve cang ko caah zwihmanh thinnphawt ngai ding a um ti lo tiah a chim.

Ralhrang Uktu Min Aung Hlaing nih hin Thai Vuncichoh gi zikhnawh a pek caah a tu bantuk in biapi ah a chiah lo i a si lai tiah an zumh. A ruang cu Thai Vuncichoh kha nizan ah Min Aung Hlaing he an i tong. Myanmar ram Min Aung Hlaing zong nih ngaihthiam a kan hal cang ko caah kaphnih kan i pehtlaih nak a tha ko i a tluang ko tiah Thai Vuncichoh nihcun a chim fawn.

Ralhrnag Min Aung Hlaing Jet Fighter MI-29 cu Thailand humhaknak hmun chung ah Kilo 4 a si lo ahcun pa5 tluk an buar. Cucaah Thailand ram sianginn cheukhat khulrang in an khar colh hna.

Ralhrang vanlawng MIG -19 thailand humhaknak chung a zuan cangka minute 15 tluk ah Thailand nih American chuah F16 pahnih ch khulrang in a zuan ter colh ve nain Myanmar jet Fighter MIG-19 cu Myanmar ram chungah a hung lut than diam cang tiah theih a si.

KNLA, KNDO le PDF nih Ralhrang sakhan Okarihthah kahnak ah Kayin miphun 1000 renglo Thailand ram khuate cheukhat ah can karlak an i dor chung hna tiah theih a si. Okarihthah ralhrang sakhan kahnak cu nihin in ni 6 nak a si cang. Ralhrang uico tamtuk an thih cang caah sakhan kan sunghsual lai timi phan ruangah ralhrang nih Jet Fighter in voi 30 renglo an kah cang hna nain KNLa, KNDO le PDF nih mah Okarihthah sakhan cu kan lak hrimhrim lai tiah hnu kir lo hmaifong chih in an kah cuahmah lio pina si. Source- thaienquirer

Be the first to comment

Leave a Reply

Your email address will not be published.


*