Min Aung Hlaing Nih Thihdan 4 A Pek Hna Hnu Ah US Biatak In Ai Hro Cang

Myanmar SAC ralhrang hruaitu pawl he chawlehnak hrimhrim kan tuahti ti lai lo tiah American nih thanh.

Democracy cawlcanghtu minung pali SAc ralhrang nih thihdan an pek hna hnu ah Myanmar ralhrang hruaitu pawl he chawlehnak hrimhrim kan tuahti ti lai lo tiah American ramleng vunci zung nih July 25 ah a chim.

SACr ralhrang pawl cu dantatnak pekchap ding in kan tuah uahmah lio a si cang tiah a langhter. Myanmar ram chung ah hriamnam zuar bak lo ding kham ding in kan tuah lai tiah American ramleng vunci zung chimphuannak ngei Ned Price nih press conference ah a chim.

President Biden nih kan hnu dantatnak ah a telh lo mi Myanmar natural gas industry hi tah Biden cozah nih kham a timh tih maw tiah biahalnak an tuah tik ah Ned Price nih cun a ra laimi dantatnak ah thimding vialte cu cabuai cungah timhcia in chiah dih a si cang ko tiah a leh hna.

Hi bantuk tihnung uktu pawl he tuahton ning in chawlehnak tuah ti ding a si kho lo tiah a chim. Kan hnu January thla chungah thihdan pek ding in biaceih mi hna cu nizan naite ah thihdan an pek hna hnu ah vawleipi hmai ah SAC ralhrang cu an mithmai a bi chin cang lai.Source: Reuters

Be the first to comment

Leave a Reply

Your email address will not be published.


*