Min Aung Hlaing Ralhrang Dantatnak Pe Chap Uh Tiah NUG Nih G7 A Nawl

SAC Dantatnak Pek Chap Dingin NUG Nih G-7 Sin Ah Nawl!

Germany ah an tuah mi G-7 meeting ah a liamcia nikum ah biakamnak le biachahnak an rak tuahmi dantatnak kong ah biatak tein țuanvo laa dingah NUG nih nawl.

Nikum ah khan Germany ah an rak tuah mi G-7 tonbiaruahnak a dih hnu kumkhat tiang ah SAC nih Myanmar mizapi cungah thahnawnnak pehzulh in an tuahmi cu NUG nih a langhter.

Cu caah tutan G-7 meeting ah hin a hramhram in nalwngeihnak latu SAC i cawlcanghnak le thahnawnnak siseh chawlehnak siseh Myanmar ram nih a ton cuahmah mi kong ah biatak tein tuanvo kan lakpiak hram u, tiin NUG nih a nawl.

G-7 nih SAC sin ah ramdang phaisa a lutmi zong rikhiahnak ngei dingin le dantatnak pek chapnak nawl zong a ngeih pin ah Myanmar mizapi thahnawnnak caah hriamnam a pe lemgmangtu Russia le ramdang dang hna sin in hriamnam a luh khawhlo nakhnga phihkhamnak tuah dingin an nawl chih.

SAC kuttang in zalonnak kan hmuh khawhnak hnga a lamkip in kan i zuam cuahmah lio i, rak kan bawm cio hram u, tiin NUG nih a nawl.(chinpost)

Be the first to comment

Leave a Reply

Your email address will not be published.


*