Min Aung Hlaing Raltuknak Thilri Kuan Pawl Phurtu Motor PDF Pasaltha Nih An Tlaih Dih Cikcek Ko Hih – Onlinenungak


SAC Ralkap Meithal Kuan A Thli In A Phurtu Motor(htawlagyi) PDF Nih An Tlaih. Mandalay ramṭhen, Mataya pengchung ah SAC ralkap nih an hriamthil le an zenkuan a thli in an phurhnak htawlakyi pakhat cu Natsoe underground dohthlengtu phu nih an tlaih tiah theih a si.

Mataya peng Myaung U khua le Kyatpin khua kar Ngoatpyun(ငုတ်ပြွန်) khua pawng ah November 30, zinglei suimilam 7:00 hrawng ah checkhlatnak kan tuah i kuanfang, SAC ralkap hmat-pung-ṭin le passport hna kan tlaih chih tiah Natsoe underground phu chungtel pakhat nih a chim.

Htawlakyi khaltu nih cun ”SAC ralkap nih an hmanrua ah an ka tlaih” tiah a chim, ”a tutiang motor khaltu cu checkhlatnak kan tuah i kan hren chung, a mah nunnak le humhimnak ding caah a sining kong fianghlang in kan chim kho rih lailo , tlaih a tonnak pawng ah SAC ralkap nih umhmun an khuar i cu ka lei ah cun an thilri cu an phorhter” tiah Natsoe Underground phu nih an chim.

Thawngdang Relchap: Zumtu Khrihfa mi hna le kan Bible Cathiang i tthen awk a tthat lonak cu, micheu kan caah kan nunnak asi i, micheu kan caah nunnak hmuhnak ding ca lam hmuhsak tu asi ve. Bible Cathiang lo in, nun hi pakpalawng lawngte asi. Kan Bible Cathiang nih, Zungzal kan Thlarau Nunnak khamhnak kong a Kan chimh i, zeizong vialte a dih em ek in a Kan cawnpiak. Cucaah cun, Nifate Pathian Bia Nung Bible Cathiang he i tthen awk kanttha lo. Amen!

Pumpak tette khannak Pathian hmai le na hmai ah tawite in van ttial lo ning law, Bawipa Sunparnak caah si tthan koseh. Amen. Pathian Dawtnak ka pemh hlan, USram ka um ka ahcun, Bill pek ding a tam ngai i, rian cu ka ttuan lengmang ve ko i,, kapek lengmang ve ko. Zeiruang ah hme hi ti hin Bill pek ding hi a um zungzal hnga aw…..ka rak ti tawn i, a chel caan ahcun kanu le kapa sin ka um kha ka ngai ruangmang tawn.

Pathian nih a van ka zangfah ve i, Bawipa Dawtnak kapemh hnu, Jesuh Khrih chungah hrintthan nak ka hmuh hnu in, Bawipa nih lam a ka hruai ve i, Bible rel le thlacam hi ka huam ngaingai, Pathian thangtthatnak hla va ngaih le va zulh ve le va sak len ve khi Kailawm nak a Sangbik ah a hong cang ve. Pathian Bia Nung Bible Bia ka van rel tawn ve i, Bawipa nih fiannak a rak kapek mi ka ttial cangmi kha, a thar in van ttial tthan kaduh ko.

A ruang cu, USram um i Bill pek kongah keimah bantukin Hringtu nulepa sinah um hna a ngai mi nan um ve sual ah ti ah mu, mah Bible cacang ka rak rel lio ah, Bawipa nih fiannak a rak kapek i, ka hna a rak ngam tuk i kailawm tukmi kha ka van in hrawm tthan ve hna. Aw…..Bawipa kailawm tuk ee….Bill peknak caanttha na ka pekmi hi hmailei keimah Lila ca lawng te an rak si tthan ko hna ee…

Bawipa kailawm tuk, hi hnu cu lungtho thanuam tein ka pek peng cang lai ka rak ti i, cu hnu cun, USram ah Bill pek a Sunlawi ning le Pathian Bia Nung Bible Bia nih, hi ti Bill pek hi a rak duhmi asi ko caah hin pei, American Zumtu Khrihfa hna nih Kan Bible Cathiang zoh in khua an rak sakpi hna i, hi ti hin an pehzulh ko hi, Bill pek lengmang zong hi kanmah pumpak tthatnak ca le kan Chungkhar, miphun hawidang ca hna tthatnak pei a rak si ko hi kati i Bill pek kongah hin, a pe khomi kasi mi ah hin kailawm tuk tawn i, ka lung hna a hong ngam tuk tthan ve.

Phungchimtu cauk chung i, 11: 1,2 ah khan mu, Na tangka cu chawlehnak ah hmang law ni khatkhat cu a miak na hmuh ko lai. 2. Na tangka rianttuan nak cu hmun tampi ah chia hna, zeicahtiah vawlei cungah hin zei tthat lonak dah a tlung lai na hngal lo. tiah ka van rel khan, theih lengmang mi cu asi ko nain, kha lio caan i, ka rak rel lio ah, Bawipa nih a van ka chimh fian i, thazaang thar a rak kapek nak le nan tuah awk asi ko. Nan tuah khawh lomi rian kan fial hna lo ti in, fiannak a rak ka pekmi nih, kha hlan ka rak fian khawh lomi, ka lungrethei nak kha, zaang lakin a van ka chawn i hnangam te le lunglawm te le lungthin Dai tein Bill kongah ka can ka hmang kho peng cang. Hallelujah! Amen. Bawipa kailawm tuk ti lawng hi ka rian lengmang ve ko cang.

Atu Phungchimtu Bible cacang nih a rak ka fianhnak ahcun, ka fanu, hmailei caan ah zei a tlung lai na hngal lo caah, ralring tein um ko law…hnangam lungdai tein, thanuam lunglawm tein na ti khawh tawk te ah Bill cu pe lengmang ve ko, zeicahtiah, zeithil na tuah hmanh ah, nangmah tuahmi te na zun lengmang kolai tiin theih fiannak a rak ka chim ve.

Hallelujah! Amen. Bawipa kailawm tuk. Cu hnu cun, aw….Bawipa, hi dirhmun na ka chiah hi kailawm tuk hringhran ee…ti in lungtho thanuam tein Bill pek kongah kailawm kho tuk cang. Zeicahtiah, hi vawleicung kannun chung cu: a tthami nawlngaihnak in a tthang dingmi kansi caah asi timi kha kaifiang chin ve, kan Bawipa Jesuh Khrih zong kha, hi vawleicung a nun lio ah khan a tthami nawlngaihnak kha thih tiangin a zulh vailam cung thihnak kha timi tiang khan fiannak kai chap ve i,

Zumtu Khrihfa cu, Zungzal kan Thlarau Nunnak khamhnak kong lawng ah nung lo in, hi vawleicung kannun chung hrimhrim ah, a tthami nawlngaihnak in Nifate kannun a tthan ding hrim hi, kan Bawipa Jesuh Khrih nunnak nih a Kan cawnpiak. Hallelujah! Amen. Pathian nih hin, a Dawtmi a fanu hna le a fapa hna hi, kanti khawh lo rian a Kan fial bal lo. Kanti khawh tawkte kha a Kan fial cio i, Chungkhar kongah siseh,

Khrihfa Bu kongah siseh, miphun kongah siseh, a lamkip in tuah dingmi a tampi lakah ti khawh tawkte a Kan khin cio mi ahhin, a tthami nawlngaihnak in, lungtho thanuam tein le lunglawm tein Nifate kannun a tthan cio dingmi hi Bawipa nih a Kan duhpiak ciomi asi caah, Amah nunnak hrim in a tuah i, a kan Cawnpiak. Hallelujah! Amen. Bawipa kan i lawm tuk. Cucaah cun, hi vawleicung kannun chung hrimhrim ah,

lungtho thanuam lunglawm tein le lungthin dai tein kannun hi, a tthami nawlngaihnak in nifate a tthan chin nak hnga Bawipa Thiang Thlarau nih a herhmi caah kan bawm cio koseh. Amen! BAWIPA nih fiannak pekmi Bill peknak le BAWIPA tal lo in Bill peknak ah lungthin zeitluk in dah ai Dan timi kha pumpak ka nunnak ka tepmi te in tette ka van khang ta ve. Hallelujah! Bawipa Sunparnak caah si koseh. Amen.

Thlacamnak te he, Pathian Bia Nung Bible Bia kan van rel i, kan lungthin nunnak ah lungthin thar, ruahnak thar, nunnak thar a Kan Chap lengmang mi ah hin, Bible rel in thlacam cu kan nunnak he i tthen awk a rak ttha lo hi ti hi kaifiang ngai ve. Hallelujah! Pathian Biq Nung Bible Bia cu, lungthin ttemttawn nak a um mi Thian ter tu asi i, hnangam lungdai te le lunglawm tein nun tthan ter tu asi. Hallelujah! Amen. Hallelujah.

Cucaah cun, Ramleng a um mi kansi ah, Ram Chung ummi kansi ah, Bill kan ngei dih cio hna kanmah le kan zawn cio in, tax kong asi ah, inn le lo kong Bill asi ah, ti man, mei man, gas man, mawtaw man, inn man, Insurance man a phunkip kan ngeihmi kongah, Bill kan geihmi paohpaoh ah hin, BAWIPA Kan Pathian nih a Kan duhpiak mi asi ko timi ruahnak he lungthin Zang te le lungtho thanuam tein Bill cu pe zungzal ko hna usih.

Amen. Kan Bible Cathiang nih, na tangka, na phaisa hi khawng luaimai a Kan ti lo bal lo. A Kan timi a Kan fial mi tu cu: hi vawlei cung ah hin zei bantuk tthat lonak dah a tlung lai ti na hngalh lo caah, na phaisa, na tangka rianttuan nak cu hmun tampi ah chia hna ti tu ah a Kan fial. Amen! Pumpak ka tonmi tette khannak in ka ttial mi asi caah, USram ka phak hnu ahhin, ka theih bal lomi laimi he kan i tong ton hna,

aw…Van Bawi nau maw nasi, na nu le na pa cu a rak ka bawmtu ansi tiah ka sinah a chimmi minung hi an tam ngai ve i, ka herhmi ah a rak ka bawmmi anrak um len ve hna. Cucaah cun, hi vawleicung thilri hna le chawva hna hi, kan thih tikah pakhat hmanh Pathian sinah kan i kalpi khawh dingmi an um lo caah,

hi vawleicung kannun chung hrimhrim ahhin Pathian nih a Kan duhpiak ning hin, kan tangka, kan Phaisa hna rianttuan nak hi hmun tampi ah chia ko hna usih. Amen. Phaisa rianttuan nak cu: Business ca lawng si loin, mi harsa hna caah phaisa kan va bawmh mi hna tu khi asi deuh tawn. BAWIPA nih a herh ati ningin Thluachuahnak kanpek piak tthan koseh. Amen. Credit: Ngun Nhem


Post Views: 10



Source link

Add a Comment

Your email address will not be published. Required fields are marked *