Min Aung Hlaing Thim Ding Lam Pahnih Lawng A Ngei Cang

Min Aung Hlaing nih thim ding lam pahnih lawng a ngei. Cucu zeidah ai thim lai i zei lam dah a caah a tha bik lai.

Min Aung Hlaing nih kum uknak a laknak kum khat a tling deng cang. Ram chung hmunkip ah i kahnak thla 8 leng a si cang. Mahhi chung ah Min Aung Hlaing hi tamtuk a sung cang i tamtuk a tla cang.

Min Aung Hlaing nih uknak a lak hnu ah ram pakhat zong a hruai kho lo. A mah a ralkap bak lawnglawng hi a hruai khawh hna. Vawlei cung tampi nih an pom lo. Asean ram pawl hmanh nih an pom ti lo. A mah a pommi ram cu vawlei cung ah tlawmpal te lawng an si cang.

Thla 15 chung raltuknak ahhin a ralkap 20,000 hrawng an thi cang. Tamtuk hliam an tuar rih. Sizung cu ralkap pawl sizung ah a cang dih cang. A ralkap an ba tuk cang. A tu le tu in hruaitu a thlen a nawn hna. A rian a tei lomi poh a phuah hna. A mah changtu pawl chung in a thla tein NUG sinah a tang mi an um.

Ram chung ah sianginn kai khawh a si lo. Ramdang company vialte nih Kawlram an chuahtak dih. Sezung riantuan nak vialte ai din ti awk tluk a si cang. Tax pek a um ti lo. Ramri chawlehthalnak a tuah kho ti lo. Ralhrang company chuak thil poh mipi nih an caw duh lo. Uknak lei ah khua bawi le peng uk pawl a thimmi hna cu inn chung lawng ah rian an tuan kho cang.

Voikhat raltuknak ah phaisa tamtuk a hman. Phaisa hmuh lei si loin phaisa dih lei lawng te a si cang. Cu ruang ah Min Aung Hlaing hi a sungh can a nai tuk cang. Tihin cun sau a awk ti lai lo.

Cu caah Min Aung Hlaing nih thim ding lam pahnih lawng a ngei. Mahhi chung ah zei lam dah ai thim lai. Pakhatnak ah uknak hi maw mipi sinah a pek lai i mipi sinah ngaihthiam halnak a tuah lai, mipi ralkap dah ai tlaihter hna lai. Pahnihnak ah Russia maw China ah dah a zam lai. Mahhi lam pahnih lawng thim ding a ngei cang.

A mah uknak hi a hmun zungzal lai lo. Nikhat can khat cu a tla te hrim lai. Than Shwe bantuk in Thein Sein sin ah uknak a rak up bantuk in Than Shwe cu zei dantat khawh lo ding in a um bantuk khan Min Aung Hlaing hi um a ngah ti lo. A um kho ti lai lo.

Cu caah dantat cu ai huah ngenge a hau. Ralhrang ah pom cangmi a si caah a zam lai maw, tlaih dah a si lai mah kha a si ko.Credit-Thestar

Be the first to comment

Leave a Reply

Your email address will not be published.


*