Min Aung Hlaing – Tutan ka chim mi hi cu nantuah lo ahcun a si kho bak ti lo .

Min Aung Hlaing – Tutan ka chim mi hi cu nantuah lo ahcun a si kho bak ti lo .

Myanmar ralhrang hruaitu Min Aung Hlaing cu tulio hi Tlangcung hriamtlai phu 10 pawl he ton biaruahnak a tuah cuahmah. Phu 3 he an tuah kho cang. A dang phu 7 an tang rih. Phu khat tete in biaruahnak an tuah hna.

A donghnak ah Min Aung Hlaing nih a chim bikmi cu Kah ngolhnak kan tuah lo ahcun zei  rian hmanh kan tuan  kho ti lai lo. Kah ngolnak kan tuah hnu  lawng ah rampi sersiamnak, thanchonak hi kan tuah khawh lai tiah a chim bik mi a si.

Ralhrang Min Aung Hlaing nihcun kan i kap ti lai lo ti an duh. I kah ti lo in Kawlram hi an mah nih zalong emem in uk khawh an duh mi a si. An mah zong a thimi le hliamtuar an tam ve. I kah tuk buin rian an tuan kho ve lo. I kah lo bak kha an duh mi a si.

Ralhrang nihhin i kah lo bak kha an duh mi a si. Kah ngolnak tuah hmasa hnu ah a herh mi dang kha ceih ding an ti tawn. Sinain ralhrang nihcun kah nolhnak tiang lawng hi an duh mi a si tawn caah sau a kal kho lo.

NCA zong kum tampi an kal pi. I kah lonak tiang lawng an kalpi khawh. A zei dang thil cu ralhrang nih an duh ti lo caah an kalpi kho ti lo. Cuticun ralhrang pawl hi an lungput a si peng cang.

A tu ah Min Aung Hlaing he ai tongmi Tlangcung hriamtlai phu 10 pawl hi ralhrang nih uknak a lak hnu ah ai kap bak lomi an si hna. Ai kap bak lomi he remdaihnak tuah le biaruah cu zeihmanh santlaihnak a ngei lo.

Ralhrang he nitafin ai kapmi KIA, CNA, KNDP, KNU le PDF vialte he remdaihnak tuah lo cu tulio Kawlram buainak ah zeidan a tlai lo. Tulio Kawlram ah kahnak a umnak tham cu Kachin, Chin, Kayah, Karen,  Sagaing ramthen le Magwe ramthen hi an si. Mah hi hriamtlai pawl he daihnak a tuah lo ahcun Min Aung Hlaing caah ram chung buainak hi a mah bon si ko lai.Credit-Thechinstar

Be the first to comment

Leave a Reply

Your email address will not be published.


*