Min Aung Hliang le Henry Van Thio An i Pehtlainak fiang Taktak In An langhter Khawh Cang – Thawngpang Dik Thanh Hna Usih


Aung San Su Kyi Taza Cuainak Kong Ah Pu Henry Van Ṭhio Cu Tehte Ah An Auh. Rampi ruahnak petu Aung San Su Kyi cu eihmuarnak case in SAC nih taza an cuai caah Vice President hlun Henry Van Ṭhio nih December 12 ah tehte dirhmun in bia a chimpiak, tiah biaceih zung he naihniam in a ummi hna sinin theih a si.

Kokek harnak kong ah runvennak committee tangka in Helicopter cawknak le hlannak ah Aung San Su Kyi nih eihmuarnak a tuah, tiin SAC nih taza an cuai hi a si. Cu caan lio i Helicopter cawknak le hlannak ah nawlngeitu bik cu Henry Van Ṭhio a rak si, tiah theih a si.

Aung San Su Kyi ca ah tehte in a dirmi Henry Van Ṭhio nihcun Helicopter cawknak le hlannak kong he pehtlai in upadi ning le zulhphung ning in ka phuan, tiah a chim.

 

Aung San Su Kyi cu case number 46, 47,48,49 le 50 case a ngei i nihin December 12 ah case 46, 47 le 48 an check piak dih, case pahnih a taang rih, tiah Henry Van Ṭhio nih cun a chim.

SAC nih nawlngeihnak an lak hnu in NLD hruaitu upa vialte cu SAC ralkap nih an rak tlaih dih hna i, Henry Van Ṭhio tu cu a rian tlaihmi Vice President dirhmun in a um ko i an tlai lo, tiah theih a si.Aung San Su Kyi cu case 19 in SAC nih taza an cuai i case 14 ca ah kum 26 thong thlak dingin bia an khiahpiak, tiah theih a si.

Kanpetlet Peng Ah SAC Ralkap Nih Hriam An Thlah Caah Kum 60 Tluk Upa 4 Hliam Fak An Tuar. Magway ramțhen in Chin ramkulh lei ah rallam a sialtu SAC ralkap hna nih Kanpetlet peng tualchung mi hna cu tlaih ding in an dumdawi hna caah tualchung mi 4 hliamhma an tuar tiah theih a si.

December 10 ah Kanpetlet peng ralhrial mi hna an umnak khua ah SAC ralkap nih tualchung mi hna cu an kah hna, minung 4 hliamhma an tuar tiah CDF-Kanpetlet Victoria battalion ṭat-yin-hmu nih The Mindat Post ah a chim.

” Hriamngan an thlahmi zong a si lo, khuachung ah an lut i ralhrial mipi an hmuhmi hna cu an kah hna, pa 3 le nu 1 hliam an tuar, an hliamhma a fah caah thinphang an si ko, hliamhma tuarmi hna hi kum 55 in kum 70 kar tualchung mi an si” tiah a chim.

Ralhrial mipi hna nih SAC ralkap he naihniam in umlo ding in le ralring tein ṭhutdir ding ah ralrin ngai a herh tiah Victoria ṭat-yin-hmu nih ralrinpek nak a chim. SAC ralkap cu an kal cang na in, Kanpetlet tualchung mipi hna nih Kanpetlet – Saw lampi hmanlo ding in Kanpetlet peng pah-ah-phah nih December 11, zaanlei ah cathanh an chuah.

SAC ralkap nih Kanpetlet peng lei hmuitinh in Yaw lei in rallam an sial caah tualchung mipi tampi cu a himnak hmun ah ral an hrial tiah Kanpetlet peng zatlang hruaitu phu nih an social media ah December 11 zinglei ah an langhter.

 



Source link

Add a Comment

Your email address will not be published. Required fields are marked *