Mino Tampi Nunnak A Liam Lio Ah Nuamhnak Tuah Hi Kan i Sum A Hau – Onlinenungak


USA In An Rak Tlun Hnawh Mi Chin-Tube Nih An Tuah Mi Hi Kan Ram A Buai Tuk Lio Ahcun An Tuah Awk A Si Lo, Mino Tampi Nunnak A Liam Lio Ah Nuamhnak Tuah Hi Kan i Sum A Hau.

CHIN-TUBE NIH AIZAWL AH A TUAHMI BANTUK TUAH HI CU NIHIN RAM BORUAK AH HINCUN TUAH TILO SISEHLAW THA! Ramle Miphun nih chiat a ton ahcun, nomhnak phun le puaituah ni cutizat chung kan khap tiah Cozah nih a titawn. Tahchunh nakah Mipi nih chiat a ton le Ram nih chiat aton ahcun Zung an khar pinah Puannak zar tibantuk hna in an titawn.

Cun, (AA-Laan)(Flag)a canceu tiang lawngin zarding tibantuk hna in an ti tawn. Cucu Ram le Cozah kal ningle Ram nih chiat aton caan ah Kalning phung asi. Cucu, I tawrhpI, I sianglo,I ngaihchiatpi le a pawituk tinak asi.

A ngaingai tiah cun, ChinTube nih an tuah dingmi hi,(Online-Facebook Group)in tuah sehlaw nihin dirhmun ah cun tikhi tuak lo awk attha lo. Khat leikam in zoh ta usih. Ramtang ah kan naule harnak tuarin an um cuahmah. Kan Ngaknu Tlangval tampi an thi. Mitampi thong ah an um. cu lioah (Man of the year. Book of the year. Singer of the year) tibantuk mintthat peknak phunphai puai rak tuah cu tikhi thinlung ah a hung chuak.

A ngaingai tiah cun, meithal cawknak le kan naule hriamnam cawknak ah Ramdang in arak tlung mile puai caah a dihmi khi I hmang sehlaw tikhi nihin ahcun an tuak lai. Cun,India Cozah nih a kan remlo buin Mizopawl nih an kan zangfah i an kan um ter. zalawng in an kan chiah I an kan bomh. Culio ah nomhhneih puaituah tibantuk phun cu a ttha hnga maw.

Kan izoh a herh pah ttheu lai. Ruat deuh usih. Mahbantuk phun khawkhan le timhtuah a hmangmi hi, Media tibantuk le Hlasak thiam a timi pawl an si ngai tawn. Mizoram ah a zammi(Singer) zong nih an theih a hau. Mizo hlasak thiam pawl va komh I zeile zeidek va tuah I hlasaknak phunphai khawkhan. Nihin boruak he a keih lomi keihter timh i khawkhan phun.

Nihin bantuk kan boruak ahcun, nomhhneih nakhe a pehtlaimi puai phun le i(Caw-ngia)nak phun thil hna cu, Mizoram ahcun, tuah ti rih hna hlah sehlaw a ttha rih hnga. Nihin boruak he a keihlo pinah Mizo pawl hmaikhah a um lo, tiah ka ruah. Pumpak timi ka ngeilo. Crd.. Liante Lai

SAC Nih Nawlngeihnak An Lak Hnu Thla 22 Chung Ah Chinram Ah Minung 355 An Nunnak Liam. SAC nih nawlngeihnak an lak hnu thla 22 chungah SAC ralkap nih Chinram ah minung 355 an thah hna pinah inn 1,505 an khangh, tiah a luancia November 30 ah Chin Affairs Federation nih cathanh an chuah.

A nunnak a liammi hna chungah tualchung mi 167 le Mipi ralkap 186 an si i, kum tlinglo ngakchia 24 an i tel. Hnuk ding lio ngakchia 2 le SAC ralkap uk duhlo langhternak ah 10 an i tel. Cun Pastor 4 zong an thah hna i Biakinn 10 zong an khangh, tiah an langhter.

A luancia November 19 lioah Falam peng Bualte khua pawngah SAC ralkap le Chin ralkap kar kahdohnak a chuah hnu in Pu Hau Cung Nung cu meithal kahnak hliamhma he a inn kam ah a ruak in an rak char, tiah min langhter a duh lomi pakhat nih a chim.

Kan khua ning piin kan zam dih hna lioah anih hi zam a duh lo. A hna a chetmi a si i khua a thei lomi a si. Amah le minung pakhat an zam duh lo. A ruak cu an inn he pe 100 aa hlatnak ah kan hmuh, tiah a chim chap.

A luancia November 8 lio zong ah Mindat peng Palungṭwe(ပလုံတွီ) khuami 4 zong SAC ralkap nih mei in an rak khangh hna. Thah a tongmi hna hi mi zeidah an si ti zong kan hngal hna lo, tiah Mindat peng mizapi ukhruainak bu in chimphuannak nawlngeitu Yaw Mang nih a chim.

Cu pinah ralhrial in sii thlopbulnak a um lo ruangah tualchung mi 17 cu an ngandamnak ca ah sii-ai an herh ngaingai, tiah theih a si. Chin ramkulh ah tualchung mi a nunnak a liammi hna kong he pehtlai in SAC kuttang Chin ramkulh in chimphuannak nawlngeitu Thant Zin cu RFA nih phone in an pehtlaih ko nain a cohlang hna lo, tiah theih a si.

Chin ramkulh ah SAC ralkap nih nuhrin covo an buarmi vialte cu a ra lami March thla ah tuah dingmi UN nuhrin covo buarnak ceihkhannak ah kan chuahpi lai, tiah Chin nuhrin covo bu nih an langhter. SAC nih nawlngeihnak an lak hnu in Chin ramkulh ah tualchung mi 40,000 leng ram chungin an zam i, India ram Mizoram ramkulh ah ralzam in aa dormi 50,000 leng an phan, tiah theih a si. Crd: The Chin Post


Post Views: 35



Source link

Add a Comment

Your email address will not be published. Required fields are marked *