Minthang Pancelo Nih CDF Kong Ah Zeidah A Chim

Minthang Pancelo CDF pawl cu a thangthat hna, a fak ngai hna. Tulio Kawlram dothlennak ah a lar ngaimi le thazang a chuah ngaimi cu Pancelo hi a si

Kawl ralhrang luban Min Aung Hlaing te pawl nihcun an i buaipi bak mi a si. A mah Pancelo cu US ah a um cang. Ralhrang luban pawl he zong a thli in pehtlaihnak an ngei lai tiah ruah a si. A mahhi catial thiam minthang taktak a si.

Nifatin in ralhrang pawl a huatnak hna le ralhrang pawl an sualnak kong cu a Facebook ah a tial tawn. Ralhrang pawl zei hmanh ah a rel hna lonak kong pawl a tial tawn. Catial thiam a si caah mah catial mi cu minung tampi nih an rel i an share tawnmi a si.

Minthang Pancelo nihcun ralhrang pawl cu hitihin a phomh hna. Lai meithal hmanh nan tei lo. Ralhrang a thong leng nan thi. Nan fiang maw, Lai meithal hmanh a tei lomi ralhrang tiah a Facebook cahmai ah a tial.

Kawlram ah ralhrang nih uknak an lak hnu nikum 2021 chung ah khan Kawlram pumpi dihlak ah ralhrang hi zeizat an thi timi a fiang rih lo. Hriamtlai cio nih an langht kho rih hna lo.

Sinain kan hnu ah khan KNU nihcun thla 5 chung i kahnak ah ralhrang 1500 leng an thih cu a rak langhter cang. KNU kut in ralhrang hi 2000 leng cu a tlawm bik an thi lai. KIA le PDF pawl kut in an thi rih lai i ralhrang hi kum khat chung ah tam taktak an thi lai dah.

Be the first to comment

Leave a Reply

Your email address will not be published.


*