Minung 22 A Phur i A Tlau Mi Vanlawng A Tlaknak Ah An Hmuh Cang

Minung 22 a phor i a tlau mi vanlawng a tlaknak hmun cu Nepal ralkap nih kan hmuh cang tiah thawngthanh.
Chokhleipar
May 29 ah a tla mi vanlawng minung 22 a phormi cu a tlaknak hmunhma tha tein kan hmuh khawh cang tiah Nepal ralkap lei chimphuannak nawlngeitu pakhat nih a twitter in theihternak hmanthlak he a tangrlangh.

Vanlawng hi minute 2 tluk zuannak i a zuang cuahmah a tum lai minute 5 lai te ah an pehtlaih khawh ti lo mi a si.Vanlawng hi Kathamandu khuapi nitlaklei 124 kilometer Phokara vanlawng tual in Jomsom khua ah a zuan lio ah a tubantuk in a rak tlau hi asi.

Vanlawng cu Himalayan tlang Manapathi tang Lyanku Khola kam ah khuami hna nih meikhu a chuah len in an rak hmuh tiah Nepal ngeihmi Tv channel pakhat nih a tial.
Tutan vanlawng hi Pumpak nih ngeihmi vanlawng a si i khuatlawng minung 19 le vanlawng chung riantuahtu pathum telh in minung 22 a phor mi asi.Vanlawng aa cit mi hna chung ah hin Indian minung panga le German minung pahnih an i tel hna i a dang hi cu Nepal minung lawng te an si hna tiah theih a si.

Vanlawng a tlaknak hmun ahcun chanchuahtu phu nih an kawlhawl hna i a tutiang ahcun minung minung 14 an ruak cu an hmuh chuah khawh cang hna. Vanlawng aa citmi an zate in a nung mi um dawh a si lo. Tuning te i chanchuahtu phu nih an kawl hna nak ahcun an zate in an thi dih lai tiah zumh asi.Ref-CNA

Be the first to comment

Leave a Reply

Your email address will not be published.


*