Mipi A Rak That Dihtu Pa President Hlun A Kai Than Caah Mipi Thinphang In An Um Ko Cang

Philipian ram president fapa president a si than cang caah mipi pawl thinphang in an um than cang hna tiah theih a si.

Philipian ram ah aana aa hruhpi mi president hlun a thi cang mi Ferdinand Marcos i a fapa President a si than cang caah ramleng um cang mi Philipian miphun pawlbhna nih aana a rak i hruhpi mi Ferdinand Marcos konglam an tialmi tuanni cauk pawl cu a tuhi an khawmhsuat cuahmah cang tiah theih a si.

Mah President hlun Ferdinand Marcos i a fapa cu kan hnu May thla chung Phulilipian thimnak ah teinak a hmutu a si. Rampi a hrawktu kum 21 chung a uktu Ferdinand Marcos tuanbia tialmi cauk cu an cawk ngai ti a si.

Cucaah a tu a fapa president a hung si than cang caah anpa i tuanbia pawl tial than ding a timhtuah sual lai tiah an thinphang hna. A pa Ferdinand Marcos nih a rak tial mi “Marcos Martial Law: Never Again” cauk a tialtu Jounaliat Raissaa Robles sin mah cauk cu print tuah piak than ding in vawlei cung hmunkip um hna nih email an ka kuat tiah a chim.

Aana a rak i hruhpi mi Ferdinand Marcos nih Philipian ram a rak uk lio i mipi pawl hremnak le minung covo a buar mi pawl kongla tlamtling in aa tial dih mi cauk cu a thar in a dang print tuahpiak than dingah catialtu Raissa Robles cu hehcheh an nawl chih tiah theih a si.

Ferdinand Marcos nih kum 1965 in 1986 tiang Philipin a uk lio ah cozah dohtu mipi pawl minung a thongthong in thong a thlak i hremnak in tamtuk a thah hna tiah a tuanbia catialnak ah an telh.

Ferdinand Marcos cu kum 1989 kum ah a thi i a nupi hi a tu ah kum 93 a si cang. A nupi zong nih mipi phaisa ruahdamh in American dollar 10 billion renglo a fir lai tiah an puh. Nain a nupi nihcun mipi phaisa lak in keimah thatnak ding caah ka hmang hrimhrim lo tiah voi tampi aa phisin ve len ko.

A si nain aana hruhpi tu Ferdinand Marcos a fapa nihcun tukum May thla thimnak ahcun khuaruahhar in teinak a hmuh hawi caah June thla dih 30 ah khan biakamnak a tuah i President rian cu a domh cuahmah cang. Cucaah Philipin ram mipi pawl cu thinphan in an um ko hna tiah theih a si.Source: CNN

Be the first to comment

Leave a Reply

Your email address will not be published.


*