Mipi Ralkap Hna Nih SAC Ralkap An Umnak Hmun Ah Tam Tuk Lawmmam Bak An Thah Ko Hna Hi – Onlinenungak


Yesakyo Peng Palik Sakhan Cu PDF Nih An Ka, SAC Ralkap 30 Hrawng An Thi. Magway ramṭhen, Yesakyo peng palik sakhan cu kan va kah caah SAC ralkap Officer telh in 30 hrawng an thi, tiah Myingyan Black Tiger (MBT) in ṭuanvo ngeitu nih a chim.

“Uico ralkap 30 leng cu an thi ko lai. A chung lei thawng kan theih ning ah uico ralkap ruak 15 hrawng cu lam cungah an ril ko, an char rih hna lo. Ralbawi deuh a thimi hna cu kethum ngei motor(tungbing) pahnih in an phorh hna. Zei bantuk rank a ngeimi dah an thi ti cu kan hngal lo,” tiah a chim chap.

Yesakyo peng palik sakhan kahdohnak ah Myingyan Black Tiger (MBT) nih an hruai hna i, Blck Wons၊ Yekin ၊ VOMDY-Front Warrior၊ MGN-35 le BURMESE GUERRILLA FORCE – BGF hna i bawm in an kah hna, tiah theih a si. Credit: The Chin Post

Relchap; Ralhrang Nih Uknak a Laak Hnu In Ram Chung Minung 30,000 Hrawng An Thi Cang * Ralhrang nih uknak an laak hnu in mi sawhsawh a thimi minung 2,500 leng an phan cang. * Ralhrang kut in a thi mi PDF ralkap hi minung 2,000 an phan cang.

* Kawl ralkap a thimi hi minung 25,000 hrawng an phan cang. * Cucaah, Ralhrang nih uknak an laak hnu in ram chungmi a thimi dihlak hi 30,000 hrawng an phan cang tinak a si.

“Kei cu kan ram le kan miphun caah ka nunnak le ka zei zong vialte ka pek cang,ka nunnak bal cu zei tikah a dih dongh lai ka hngal lo, Pathian nawltu si ko seh” – NUG President Duwa Lashi La. Credit: Tha Ceu Lian


Post Views: 9



Source link

Add a Comment

Your email address will not be published. Required fields are marked *