Mipi Tampi An Vuivainak Hi Zeidangdang Pi Ah Khin An si Lo –


Salai ceubikthawng- Zingkhua in hun zai ta duak ning,,,Zeizong vialte caah hin can a um cio (Phungchimtu- 3:1) Nihinni hi kan tuanbia ah a fak bikmi dothlennak le thisenluan caan a si caah zeidang luklak hi hmunhma pe tuk hlah usih. Miphun ralpi thawh lioah thazang a pe lomi (a dohkalhmi) luklak hna cawnglawmh, minthatnak pek, an ca post mi hna share/comment le hlorh/komh tuk hi nunnak thap in raltumi kan fanau le hmaikhah ding a si lo. Ka naupa lebang nihcun “dothlennak a dirpi lomi le a dohkalhmi hrim hicu hawikom/unau an si zong chawnhbiak lo ding” a ti.

Social punishment timi kha philh hlah usih. Cucu mipi nih kan zenkuan a si ve ti kha philh hlah usih. Atu hi kan hun daithlang deuh rua ka ti. Dothlennak thazang pelo/dohkalh pawl tetekhuatlang (social media) ah hmun(platform) an hun nei pah len hna. Komh an tong len. An lorthau. Ral kan thawh liopi (civil war) a si caah reng deuh ko rih hna usih. Pumpak huat a silo. Tei kan duh caah asi. Dothlennak satit chung rungrul an si caah a si. A caan lio a si.

Liana liana- Kan i palh tuk mi kan ruah nak le kan puai tuah hi Kan ral a hrang deuh deuh kan i nuam deuhdeuh, phaisa khawl tu le pe tu an tam deuh deuh, tlawn kai mi le puai a tuah mi an tam deuh deuh, thih le nunh hmanh ruat loin ral tuk ah ai thawh naa, puai tuah nak ah ai thawh naa, maw, Laimi ngai😡mah hi maw vakok nun cu a si ne hnga?

Puai tuah khawh le i lawm khawh cu a tha, sihmanhsehlaw zeizong vial te nih hin can an ngei dih, ttah can a um i lawmh can a um, sak can a um i ttheh can a um, ral doh can a um i puai zong tuah can a um. A can lo lio pi ah puai kan tuah mi nih hin kan ral doh hma samfa tia te hmanh a kal ter deuh lai maw? Kal ter deuh naisai hlah, miphun lungrual nak pei a si cu ti in ram tang ah ral a tu cuahmah mi kan ralkap hna an thaa a tthawn ter deuh hna lai maw? Tthawng deuh naisai hlah, an thaa a chiat ter mi le ram lak ah um zaang a zur ter mi tu an tam deuh zaomau lai.

Phaisa khawn tu sinah kan pek mi phaisa vial te khi puai tuah nak le puai zawh nak ah hman ding a si maw? Si naisai hlah, meithal kuan khat tal le kan ralkap hna an lakphakti hraikhat tal a si ah cun ti tuin ruah in hman ding mi phaisa a si.

Ralhrang aana ting hlan nak in aana ting hnu ah a cawlcangh tu, phaisa khawn tu na si hnu ah, na umtu, na khuasak, na tlawnkai, nai hruk aih ai phun dang in na life ai thlen cikcek ah cun ralhrang sinah thawng a pe tu hna dalaan pawl nak hmanh in ttih a nung deuh mi ka si cang ti kha i theih hna u sih.

Salai Aung- Kan Miphun le Ram caah Sa le Ral lak i a ummi kan ralkap pawl sining ruah le mitthlam cuan ahhin cun tilerawl thaw zong hi dolh khawh an si lo ee😔 Bawipa kan umpi ko- update

Admin hmurka- Thil pohpoh hi kaphnih in hmuh thiam ahcun a tha bik lengmang ko. Tutan ah ChinTube cawlcanghnak cu mi cheukhat nih an soisel hna, cheukhat nih an thangthat ve hna. Cu cu pumpak hmuh ning asi. Atha mi tampi a um ve lio ah cheukhat caah cun thatnak nakin thatlonak lei deuh in hmuh asi ve. Hruaitu cheukhat nih tlang an au tikah FB ah buh le sa thawthaw nan eimi kha LIVE lengmang hlah u’ an ti. Cheukhat upa lungfim chung in a LIVE mi an um than ve hoi tibantuk asi tikah vanrang tangah a ummi vialte nih caan an ngei dih tiah bible nih a chimmi hi theihthiam atha bik ko. ChinTube nih Photo an chiah mi hna hi an riantuannak a si caah chiahlo awk atha lo tiin ruah ahcun a tha. Mi pakhat khat nih hmailei ca khuaruah in a thuahmi thil le a khanmi kha dohthlennak tuah lio asi zongah ngol rih seh ti hi atuahtu dirhmun in a fawi lai lo.

Thil hmuhning ikhat lo hi a poi, Side khat lawngin khuaruah ahcun kanmah kan hmuh ning kha ahman ti lengmang dawh kan si ko hih.



Source link

Add a Comment

Your email address will not be published. Required fields are marked *