Mipi teltumnak a tlawm caah Yangon ah PDF cawl kho ti lo


Yangon khuachung ah cun PDF pawl cawlcangh an i harh tuk cang bantuk in nitin ti awk in SAC ralhrang nih an tlaih peng cang hna.

Nizaan zarh chung lawng hmanh ah khan Yangon ah PDF chungtel minung 30 hrawng tlaih an tong manh.

Yangon PDF chungtel pakhat nih, “Atu ah cun SAC ralhrang nih PDF pawl an tlaih tik hna ah thawng an thanh colh ti lo. An hawile dang thlaih chap ding in bia an hal hna, an hrem hna,” tiah a chim.

Yangon khuachung PDF chungtel pawl zong nih ahote dah tlaih a tong timi zong tuante in an i thei kho tawn lo i minung pakhat tlaih a ton ahcun tlaih thluahmah an si tawn.

“Atu cu Yangon khuachung ah kahdohnak mission tuah a har tuk cang. Mipi lei i teltumnak zong a tlawm cang. Mipi lei nih kanmah lila tu harnak a kan pek caan zong a hun um pah cang. Cun kahdohnak tuah kan timh ah mipi khawndennak a chuak sual lai tiin kan let thanmi zong a tampi,” tiah PDF chungtel pakhat a chim.

Atulio hi Yangon khua cu a dai ngaingai cang an ti. Myanmar ramchung hmun dangdang nakin Yangon khua hi a him bikmi a lo cang an ti i, khuate lei tampi zong in Yangon ah an rak i dor hna, ti a si.



Source link

Add a Comment

Your email address will not be published. Required fields are marked *