Mithat lainawng Min Aung Hlaing cu tlaih ding in ICC ah an report cang.

Mithat lainawng Min Aung Hlaing cu tlaih ding in ICC ah an report cang.

Myanmar ram uknak a fir i dai tein lam a zawh mi hna le sualnak ngei lo mipi a that tu Min Aung Hlaing cu tlaih colh ding in ICC ah report an tuah cang.

Lodon hrambumh MAP – Myanmar Accoyntability Project nih ICC ah report an tuah hi a si.

Min Aung Hlaing nih uknak a lak hnu ah sualnak ngei lo mipi a thah ning hna a sualnak vialte hi tehte a um dih. ICC ah report kan tuah i an tlaih lai ti zong kan zumh tiah MAP director Chris Gunness nih a chim.

Min Aung Hlaing ralhrang pawl nih sualnak ngei mipi hna an kut an tem hna i an nung buin mei an khangh mi hna zong UN nih an theih dih. Vawlei cung ramkip nih an theih dih mi a si.

Myanmar hi ICC ah min a thumi a si lo. ICC biaceih zung nihhin Min Aung Hlaing hi a sual ko an ti ahcun zeitindah an tuah lai theih a si. ICC hi Muslim ram pawl hna nih vawlei cung huap in biaceih zung ah an hman deuh mi a si.

ICJ tu ahcun Myanmar ram hi min a thumi a si. Min Aung Hlaing re pawl zong Roginya kong ah NKD chan lio ah taza ab rak cuai cang hna hi Suu Kyi zong biaceih zung ah a rak kal khah. Suu Kyi nih a rak chim piak hna khah.

ICJ i taza an rak cuai mi hna kha a tu tiang a phi a chuak rih lo. Kum saupi a rau rih khomi a si. ICJ nih Min Aung Hlaing hi a sual ko an ti ahcun tlaihnak nawl cu an ngei. Sinain kum tampi a rau rih dingmi a si.

Kawl ralhrang nih vawlei cung ahcun a sual bak mi ah ah an i tel ve. Mi inn duah an hman ning. Nung buin mei khangh i thah an hman ning, hngawngtan an hman ning zong hi sual taktak sual an si.

UN zong nih an theih tuk ko nain China le Russia nih an dirpi peng ruang ah UN nih kan thinphang tiin cachuah dah lo cu ti khawh mi a ngei ve lo.

Be the first to comment

Leave a Reply

Your email address will not be published.


*