Mitlau Kawlnak Salai Duh Cem Thang A Tlau

Mitlau Kawlnak Salai Duh Cem Thang A Tlau

Thantlang peng, Lulpilung khua mi Salai Duh Cem Thang cu kan hnuzarh, Pur(june) 26 i Salen a kalnak in tutiang tlun in a hlam rih lo caah khua mi le chungkhar lungrethei in an um.

Salai Duh Cem Thang cu a hawi le he Salen ah an kal i zaan ah ngaknu an leng, “Kei hawile inn ah a riak ding ka si le kan țin tak chung hna lai” a ti i a chuak chung, A riahnak ding inn zong a phan lo i tutiang khoi a um ti hngalh asi lo, Khua chingchan zong nih an kan kawlpi len ko nain a tutiang kan hmu kho rih lo tiah khua mi pakhat nih The Chin Post ah a chim.

A hmutu nan um ahcun a tanglei langhter mi phone number ah pehtlai khawh i zuam cio ding in kan in nawl hna. Pehtlaihnak:09423886416 Credit- Thechinpost

Rechap Min Aung Hlaing nih a kut tang pawl a hrocer cang hna, a sik cang hna.

Magwe ramthen ral an sungh tuknak hmun ah Min Aung Hlaing cu a va tlawng. Magwe ramthen ralhrang riantu tu le ralkap bawi pawl he ton biaruahnak a ngei kho.

Min Aung Hlaing cu a nupi zong nih a zulh. Ralkap chungkhar he biaruahnak zong a ngei i thazang a va pek hna. Biapi deuh tinak hmun khuapi ah a va tlawng hna.

Min Aung Hlaing nihcun a ralkap bawi le vuanci pawl hna cu ral kan sung tuk canv ne hi teh, thazang chuah deuh uh ca, tang deuh uh ca a ti ah a sik hna tiah ralkap chung bawi lila sin in thawngpang theih a si.

Magwe ramthen myone 4 cu PDF uknak tang ah a um cang. Kawl ralhrang pawl an cawlcang kho ti lo. Cu chung ah CDF KKG an umnak Gankaw peng zong ralhrang an cawl khawh ti lonak peng ah ai tel. Yaw PDF le Kyaubtuh PDF zong nih an peng zong an uk khawh cang.

Kan hnu ah khan Magwe ramthen vuanci nih Magwe ramthen chung peng 4 ahcun ral kan sung bak ko cang. Kan si kho bak ti lo tiah fiang hlang tein a chim cang.
Cu hnu ah Min Aung Hlaing cu a va kal i ralhrang bawi le vuanci pawl he tonnak a tuah hi a si. Thazang a pek pah hna, a sik a hrocer pah hna. Magwe ramthen ah ral van sungh thai lai ding cu Min Aung Hlaing nih a ruat kho bak lo ko hih.

Magwe ramthen nitlak lei peng vialte cu PDF uknak tang ah a um dih ngawt ko cang. Cucu CDF Mindat, CDF Kanpetlet le CDF KKG hna tiin an cawlcanghnak le PDF he i bawm in ral an tuknak peng pawl an si hna.

Min Aung Hlaing nih uknak a lak hnu ahhin Kachin ramkulh, Shan ramkulh le Magwe ramthen hi a va tlawn mi hna an si. Kannih Chin rankulh ahcun Min Aung Hlaing a ra ngam rih lo.credit-Thestar

Be the first to comment

Leave a Reply

Your email address will not be published.


*