Mizo Hlasakthiam Sailo Nih “Laimi Ralzam hna cu Riitsii Phurh Tlunh Ruang Ah Nan Mualpho Lengmang Tiah A Chim. – Thawngpang Dik Thanh Hna Usih


Vanlalsailo nih a chimmi cu Mizoram ahhin Laimi le Chinmi nan dihlak ral a hung zaam mi cu thinlung inka kau pi in kan welcome mi hna nan hmuh. Biachumtu kan upa pakhat nih Laitlang ah kan kir tthan lai. Thantlang le Hakha ah kan kir than lai a vun ti kha. Keimah ka ruah ning ahcun ralzam hi kir ti hlah uhlaw ti ka duh.

Mizoram ah hin um thai lawlaw hna usihlaw. Mizoram nih ram lawng tampi kan ngei ko i, Khi ka Laitlang ah nan kir te lai i, kum 10, kum 20 hnu ah Kawl ralkap nih an in buai hnawh nolh hna lai ti hi kan phang cang.  Nan ram khi kum 20 hmanh buai in Mizoram ahhin um hmanh ulaw, hmunkhat te ah um hi kan i duh tuk i, nan kir tthan ding

kan in siang hna lo. Cucaah tuzan ahhin Ralzam vialte Mizoram hi nan ram a si zia langhter kan duh hna i, ChinTube kan tuahnak ruang zong in hin Chin le Mizo kan i unaunak a tthawng ter deuhdeuh ti kan hmuh. Ralzam hna nih hi ram nan um chung ahhin  Mizoram ttamhpitu le, dawhtertu le mintthatertu le hmai ka kan nawrpi dingin Ralzam hna nan dihlak

kan sawm duh hna. Ralzam hna hi Riit-haisii phurh tlunh ruang ah kan mualpho lengmang tawn i,  cu kong ahcun mipi nih tuah mi a si lo ca ah, pumpak mitthalo thil tuah a si caah, Mizo mipi hna nih ahlan i kan in huat tuk hna kha a ziam cang i, hmanhsehlaw tuzan ah kan cah duhmi hna cu hi tiangtiang ka i unaunak a hrawk kho tu ding thil sensitive taktak riitsii kong, ahhin kan i ralrin taktak a hau tiah a chim. (Atu a chimmi hi ChinTube peoples Choice Awards peknak zan ah a chimmi  a si)

Pu Liante Lai nih mahtihin Chintube kong ah a hmuh ning cu a tial ChinTube nih atuah mi bantuk tuah kha Laiphung asilo pinah Pathian lomhmi asi ka zumlo.Nihin boruak tibantuk ahcun ChinTube an timi nih(Singer of the year/ Book of the year/Man of the year)tibantuk December 10 ah a tuahmi kha. A zeipoh va siseh a dih cang i attha ah chiah a hau cang. Amah belte (Man of the year)an pekmi ahkhan,

tamdeuh in tuak hna sehlaw ,CNF/A. ah a thawkka tein attuan i nihin tiangah Sifak harnak dirhmun ah a dirmi Pu Zing Cung asi lole Pu Solomon khi an pek hna ka zumh. an nih khi CNF/A. thawkka in (Cangvat) lakkar le ruahpi sur kar ah buk satu an si. A hmincia eitu le Meikau cia chemtu an si bak lo. Cun pakhat tthan. Khrihfa kan si bantukin Pathian kan thangtthatni le kan i pumhni hi kan zah a herh. Pumh zan tibantuk le pumh procream tibantuk kan hrial a hau. Zarhteni zan pumlo tibantuk i tuah tiphun cu. Cun nihin

bantuk boruak ah nimhhneih nak rak tuah phun. Laiphun ahcun, a ttapmi ttahpi le ngaihchia mi chiatpi phung asi. Mithih lio i social rak tuah phun cu, Ramdang tining maw sihnga tiah ruah a fawite. A ngai ngai tiah cun, nizan bantuk thil kha, Laiphung asi lo i Pathian lomh zawng zawng asi ka zum lo. Va sikho sehlaw, Nihin boruak le akan Pathian biak can tibantuk ahcun, midang nih cun van tuah ti hna hlah sehlaw ttha hnga ,Atu rih ahcun ka ti.

 

Matupi Ah Umi SAC Ralhrang 7 Hna Cu Hriamnam Pawl He An Zaam!.Chin ramkulh Matupi hrambunh SAC ralhrangpawl chung in ralhrang 7 hna cu December 14 ah hriamnam he an zaam tiah Zalen nih a langhter.

SAC ralhrang 7 an zaam ti tik ah an milu zah fian a sirih lo. Micheu nih cun SAC ralhrang 4 le ralhrang palik 2 hna cu hriamnam tling le RPG zong an i kenchih tiah an chim.

Hi bantuk thawngpang a chuah hnu in Matupi khuapi ah ummi SAC ralhang pawl nih December 14 thok in khua pawngkam hna ah an kawl hna i hriamngan le meithal zong an puahkah hna. Cu pin ah Matupi khualuh chuahnak hna zong ni 3 chung phihkhar a silai tiah theih a si.

Matupi khualuh/chuahnak phihkhar a si ruang ah Pakokku khuapi in mawtaw he a raktlung mi mipi hna zong lampi ah an i hreng i a kihtuk caah Chainpain (ချန်းပြန်းရွာ) khua ah lut in mei an toh hna nain SAC ralhang Lak-Khah-Yiah 304 in hriamngan pawl hmang in an kah hna caah ramlak ah an tlizaam dih tthan hna tiah theih a si.

SAC Kut-tang Ralkap Minung 3 Le Palik Pakhat CDF-Zophei Sin Ah An I Fonh. Dipa  December] 14, 2022.  Chin ramkulh, Hakha khuapi hrambunh, ၂၆၆ um ralhrang kuttang ralkap 3 le palik sakhan in palik pakhat cu hriamnam, kuan le a dang thilri pawl he CDF-Zophei sin ah an i fonh tiah theih a si.

Hi aa fonh mi hna hi ralkap Zin Ko Htet, Aung Phyu Min, le Thet Naing Htun hna an si. September lio ah meithal zun 2, kutcheh bomb pa 3, le kuan 700 leeng he CDF-Zophei sin ah an i fonh hi a si.Hakha palik sakhan in palik Aung Thang zong G3 meithal zun khat le kuan 130, kuan khamnak angki le a dang thilri pawl he November 15 ah CDF-Zophei sin ah a rak phan ve tiah theih a si.

Mipi ralkap sin ah aa fonhmi ralkap 3 hna cu lawmh man sing 150 pek an si i palik Aung Thang cu lawmh man sing 80 pek a si. An dihlak in a himnak hmun ah an um cang tiah theih a si.

 

 



Source link

Add a Comment

Your email address will not be published. Required fields are marked *