Mizoram Ah Laimi ralzam in a ummi Tleirawl Salai Zaung Man (kum 15) nih mual a kan liam taak e – Thawngpang Dik Thanh Hna Usih


East Lairam Matupi peng in Lawngtlai ah A Rak Zaammi Salai Zawng Man A Nunnak Liam. Central Lairam, Lawngtlai, 2022 Dipa 09 : Zahan zaan suimilaam 8:30 PM hrawngah East Lairam in Central Lairam Lawngtlai ah a rak i dormi Salai Zawng Man kum 15 cu Lairam sii-inn ah Kal lei dam lo nak in a nunnak a liam.

Salai Zawng Man hi Lawngtlai Bethel Refugees Camp ah a ummi a si, East Lairam a khua cu, Matupi Peng (Thai Boi) khua a si.

Salai Zawng Man i hringtu a nu hi Kawl ralhraang bomb aa lamh sual caah a ke a bul i Delhi ah Salai Zawng Man a pa nih a umpi lio a si.

Mandalay Falam Baptist Church ah Senior a ṭuanmi Rev. Thian Lian Sang cu, SAC nih nizan December 7 ah rianhrang ṭuan ding le thong kum 20 leng thlak ding in bia an khiahpiak, tiah theih a si.

Rev. Thian Lian Sang cu a luancia 2021 September 16 ah Mandalay a inn ah SAC ralkap nih an rak tlaih i, 2022 June 15 ah 505(a) in rianhrang le thong 3 thlak ding in biaceih zung nih bia an rak khiahpiak hnuah December 7 ah section 49(a) in rianhrang ṭuan ding le thong kum 20 thlak ding in bia an khiapiak. A dihlak ah thong kum 23 a tla ding a si, tiah a chungkhar hna sinin theih a si.

Kum 42 a simi Rev. Thian Lian Sang cu Khrihfa biaknak he aa kalh in ramkhel rian a ṭuanmi a si lo pinah sifak santlai lo tlangcung mi zong ngandamnak lei a zohkhenhtu pakhat a si, tiah theih a si.

A luancia 2021 September 16 ah SAC ralkap nih Rev. Thian Lian Sang cu a inn ah uniform i hruk loin meithal he an rak tlaih i tangka kyats sing 40 zong an rak lakpiak, tiah theih a si.Rev. Thian Lian Sang cu Mandalay Ubu thonginn ah an chiah i nizan December 7 ah kan ton, a ngan zong a dam ko, tiah a chungkhar pakhat nih a chim.

 



Source link

Add a Comment

Your email address will not be published. Required fields are marked *