Mizoram Ah Tuahmi, Chin Tube People’s Choice Award Peknak Kongah PC Biaksiama Email Hmangin An Comment Mi Cu Ngaihchia Ngaingai A Si Ko Ee


Amak Ngaingai Mi Coment Pakhat Si. Nizan kan ti cang lai cu,Mizoram khualipi,Aizawl,Vanapa Hall ah,Chin Tube nih an tuah mi, Chin Tube People’s Choice Award 2022 i,

peeknaak le caan hmannak an ngeih mi ah kan unau pakhat a si mi,Pc Biaksiama ti mi Email a hmang mi pa nih a coment ning cu thin maw a g ngaih deuh dek a chia ko. Credit: Tin Duh Thang

No description available.

Adang Relchap; SAC Nih Nawlngeihnak An Lak Hnu Thla 22 Chung Ah Chinram Ah Minung 355 An Nunnak Liam. SAC nih nawlngeihnak an lak hnu thla 22 chungah SAC ralkap nih Chinram ah minung 355 an thah hna pinah inn 1,505 an khangh, tiah a luancia November 30 ah Chin Affairs Federation nih cathanh an chuah.

A nunnak a liammi hna chungah tualchung mi 167 le Mipi ralkap 186 an si i, kum tlinglo ngakchia 24 an i tel. Hnuk ding lio ngakchia 2 le SAC ralkap uk duhlo langhternak ah 10 an i tel. Cun Pastor 4 zong an thah hna i Biakinn 10 zong an khangh, tiah an langhter.

A luancia November 19 lioah Falam peng Bualte khua pawngah SAC ralkap le Chin ralkap kar kahdohnak a chuah hnu in Pu Hau Cung Nung cu meithal kahnak hliamhma he a inn kam ah a ruak in an rak char, tiah min langhter a duh lomi pakhat nih a chim.

Kan khua ning piin kan zam dih hna lioah anih hi zam a duh lo. A hna a chetmi a si i khua a thei lomi a si. Amah le minung pakhat an zam duh lo. A ruak cu an inn he pe 100 aa hlatnak ah kan hmuh, tiah a chim chap.

A luancia November 8 lio zong ah Mindat peng Palungṭwe(ပလုံတွီ) khuami 4 zong SAC ralkap nih mei in an rak khangh hna. Thah a tongmi hna hi mi zeidah an si ti zong kan hngal hna lo, tiah Mindat peng mizapi ukhruainak bu in chimphuannak nawlngeitu Yaw Mang nih a chim.

Cu pinah ralhrial in sii thlopbulnak a um lo ruangah tualchung mi 17 cu an ngandamnak ca ah sii-ai an herh ngaingai, tiah theih a si. Chin ramkulh ah tualchung mi a nunnak a liammi hna kong he pehtlai in SAC kuttang Chin ramkulh in chimphuannak nawlngeitu Thant Zin cu RFA nih phone in an pehtlaih ko nain a cohlang hna lo, tiah theih a si.

Chin ramkulh ah SAC ralkap nih nuhrin covo an buarmi vialte cu a ra lami March thla ah tuah dingmi UN nuhrin covo buarnak ceihkhannak ah kan chuahpi lai, tiah Chin nuhrin covo bu nih an langhter. SAC nih nawlngeihnak an lak hnu in Chin ramkulh ah tualchung mi 40,000 leng ram chungin an zam i, India ram Mizoram ramkulh ah ralzam in aa dormi 50,000 leng an phan, tiah theih a si. Crd: The Chin Post

Relchap: Teamwork Collaboration A Nei Lo I A buin Rianṭuan a thiam Lomi NUG Nih Ral An Kan Tei Pi Lai Maw: Asi khawhlo Ding mi in Mipi Thazang Kan pek ti hlah Uh. Nunnak le Thisen a pek mi Mipi le Kan Ralkap rual nih Thazang peknak kan herh ti lo. Hriamnam le Phaisa Bawmh lawng kan herh. Teamwork Team Building Umlo Buin Ral Tei Khawh Asilo. Mipi Zumhnak A Zawr. Mipi lung a dong sual ahcun kan kal khawh te lai lo hi mu?

Khuaiva le Hngerhte bang a buin rianṭuan a thiam lomi, a pak in mah le Policy le chungmang cio in biathlah le cangvai hi, NUG Vuanci rual le upa hruaitu hna nih kal tak cang uhsih. Lungrualnak le pumkhat sinak loin Ralhrang thluk khawh asi lo timi hi, NUG bia asi. Mipi kan in pumkhat i, kan lung aa rual dih. NUG upa le nan minung / nan kusale rual le State ah thlah mi NUG ai awh tu hna tu hi pumkhat an si khawh lo.

NUG Vuanci le upa hna nih Teamwork nan ngeih bak lo, Team Building le Trust Building zong pelte hmanh nan ngeih lo caah, Collaboration timi a buin rianṭuan nan thiam ti lo. A phi chuak cu: EAOs le NUG pumkhat asi khawh ti lo caah Federal Army a um khawh ti lo, nihin tiang Ralhrang kan thluk khawh ve ti lo.

EAOs a nganmi 17 lakah, CNF / CJDC, KIA, KNU, KNPP / KNDF / AA / TNLA lawng NUG he Alliance an si. Tam deuh cu Rallokap hawikom an si. NUG Hawikom EAOs 5 lakah CNF lawng hi Nupi tak asi. KIA, KNU, KNPP / KNDF hna cu Nupichun an si. AA le TNLA cu Kalpah / Khualtlawn / Innlak nupi bantuk an si. Zankhat lunglen ruangah awfit (office) on hmang nupi btk asi mi AA le TNLA an si.

PDF LDF CDF le NUG pumkhat asi khawh ti lo caah, Kawlrawn um mi PDF LDF lawng in Federal Army cu Division 5 in dirh asi. Ni hin tiang NUG Federal Army nih biatak tein ral an doh rih lo. Phiangkum bantukin ral an doh. Chin, Kachin, Karen le Kaya bantukin NUG Federal Army nih raldoh a si rih lo.

Kawl miphun PDFs LDFs tampi nih NUG tang um an duh lo. Bo Nagar te MRNA, BPLA, SAF le PDF Thazang ngeih deuh cu Kawl miphun EROs in an um; NUG kuttang an um lo. EAOs bantukin Alliance in an um. PDF LDF CDF 500 leng a um. 200 leng hi NUG kuttang an si. Pu Yemon nih 300 leng ati mi kha a palh. Tam deuh cu NUG kuttang an si lo.

Tlangcungmi btkin raldoh bak ve mi, Sakai Ramkulh lawng ah PDF LDF 150 leng an um. 80% leng cu NUG kuttang lo an si. Aruang tampi aum ko lai nain, Aruang bikbik cu NUG Vuanci, Upa, NUG kusale le NUG aiawh tu hna ruangah ah asi. NUG kusale rual nih PDF LDF CDF le Mipi uktu cozah cung ah bawi si le ralbawi si an duh, Bawmhnak phaisa vialte anmah kut ah chiah an duh caah, Pumkhat asi khawh ti lo I, funtom khawh lo tiang in kan rawk I kan man cikcek cang. A poi tak khi asi ko.

Pumkhat nan si lo, nan lung aa rual lo, Teamwork in rian hma nan lak lo, Collaboration timi a buin nan cangvai lonak tehte cu Acting Tamada Duwa Lashila he nan bia aa dan mi hi asi. Pu Duwa Lashila bia: Vanlawng kahnak kan ngeih rih lo. CNF he lawng C3C kan si. KIA, KNU, KNPP he C2C lawng asi. TNLA, AA, le adang EAOs cu kan sawm lio hna asi.

Media ah phuan awk asi rih lo. SAC he biaruah khawh asi. SAC hnatlak ding mi hna cu: mipi thah ngawl cikcek seh: Ramkhel thongtla mi thlah; Zalon tein mipi bawmhnak on seh; Ramdang nih tlangtlak siseh; 2008 phunghrampi thah siseh; Rallokap ramkhel in I ngawl cikcek seh. Ukraine bangin nan kan bawmh ahcun thla 6 ah SAC kan tei lai. PDF LDF CDF tampi cu Auto meithal an ngeih lo. PDF pakhat ah Auto gun zun 2-3 lawng a um.

Raldoh tikah PDF dang ta aa hlan hna.: Ko Min Ko Naing nih thisen man ah biaruahnak a um khawh lo a ti. NUG Vuanci le Hotu / Chungṭuan rual hna bia: Vanlawng kah nak 5000 leng kan cawk cang: kan kawl lio rih; Vanlawng in raldoh poah ah tei asi lo. Kan Ralkap Thazang hi SAC thluk khawh tu asi ko; Ramdang bawmhnak aum lo zong ah SAC thluk nak Thazang kan ngei. EAOs he C3C kan tuah dih cang. PDF LDF CDF hi 500 leng an si. 300 leng hi NUG minung an si.

Adang hi NUG ah kan lut lai an ti lio asi. Vanlawng kahnak a mak ngai mi kan ngeih cang, Rallokap cu nan ngamh le ra uh; Mandalay Vanlawng tual kan lak ahcun Bomb cu ruah bang in a sur lai; USD 40 million man Meithal kan cawk cang. USD 100 million kan kut ah a um. Meithal kan cawk lai; Vanlawng kahnak tampi kan cawk rih lai; USD 250 million kan kawl chap lai; Pu Duwa Lashila he Nan bia aa kalh dih.

Social media ah mual an I pho hna: Sikan an ngei lo; Phaisa an vaivuan dih tbk Media ah aa zelh ngai. Si hram hlahseh ti lawng thla kan cam ko. Zu an ram tuk; Hlawhhlang inn ah kal an hmang: Nu ṭhalo sin kal a duh lomi Driver an phuah: Bawmhnak phaisa in vawlei an helh; Phaisa cazin an fian ter ballo; Zurit buin an I chawk I Hlawhhlang inn an kalnak ah Bak nuai 1 an liam; Thailand:

Mizoram le Ramthumnak ah nan um nain ramchung ah kan um tiah mipi nan kan hlen; Ramchung um mi cu Pu Duwa (KIA); Ei Thinzar Mg (KNU) tbk lawng ansi: Ko Min Ko Naing hna cu Thai USA Embassy ah aum; Dr. Sa Sa Shillong ah a um; Nu zuar hna sin an kal timi le Bawmhnak phaisa an vaivuan, anmah rumnak caah an hmang timi hi sihram hlahseh; NUG minung hna bia asi.

Demagogue hi kal tak cang uh. False Promise (Asi khawh lo mi) bia thlah ti hlah uh. Hlan kha cu mipi kan hrut tuk, Ramkhel kong kan hngalh mi a tlawm tuk caah nan kan hlen khawh. Tu hnu ah Demagogue nan hmang rih ahcun zu na rit lo ahcun pakhatkhat na rih I asi ko lai.

NUG Vuanci le upa hruaitu hna hi a buin in rian hmalak ve cang uh, I rem uh, lungrual uh, pumkhat si uh, bawmhnak phaisa fir ti hlah uh. Na tefa le ram caah siivai nan kan dinh mi asi. Raltei awk ah Lungrualnak, pumkhat sinak le a buin tiah nan kan ti mi kha philh hlah uh? Fianternak: NUG le Upa hna soiselnak asilo. Ziaza i remh hna seh ti nak cu asi. By- JRT

A sunglawi hringhran ko. Kan I hngah hlang ngaingai mi CNA nih hriamnam tam taktak an cawk mi le a thar pawl meithal cu an phan tthan cang e tiah theih a si. Cu meithal pawl sining cu mah ti hin an langhter (atang lei ah hmanthlak he a konglam an min a um lai

Hriamnam an cawk thar mi pawl hi Myanmar ramchung tlangcung hriamtlai a tthawng bakmi nih an sermi pawl a si I, a hlan deuh lio zong ah khan CNA nih meithal a thar tampi an rak phurh cang timi cu theih cio a si. Atutan zong a thar pawl tam taktak bak an van phurh tthan i,

Cu an phurh mi hna an min pawl cu mah pawl hi an si hna tiah a thei mi nih an chim. 80mm le a kuan, 60mm le a kuan tampi, Anti-Air Defence, Let tthuh pawl, KA 47 tam taktak le kuan bawm tam taktak le

KA (M203) 40mm lattthoh, Pakyi gun, Pading timi bom kahnak, Laklai timi bom kahnak pawl hna an si I,Bom tampi an I tel hna tiah theih a si. CNA mah bantuk in a thar a ngeih tik ahhin ramdang ummi hna nih

Nan pekmi hrimhrim hi a lak ka a sawhsawh a si lo timi cu a fiang taktak ko. Hmailei zong ah CNA hi ttha tein an bawmh cio cun CDF Hakha in Salai Ngun San Aung nih a chim bantuk in CNA a tthawn ahcun CDF vialte tthawn cia khi a si Cucaah ahcun ramleng he ramchung he kan dir tti chin chin a hau ko tinak a si.

Hriamnam an cawknak hmun hi ramchung an hawikom sin ah a si i, a hlan deuh lio zong ah khan a thar tampi an rak phurh cang timi cu theih cio a si. Atutan zong a thar pawl tam taktak bak an van phurh tthan hi a si.

Na UNHCR number kha philh hlah…….Na UNHCR case file number. Eg.( 791-13C00000) le nangmah pumpak ID number ( 791-00000000) kha na zah zungzal lai. Na UN card asiloah na UC catlap na thlau i nawlngeitu nih an in hal tikah na chinchiah khawh nak dingah na zah le na fim kha a hau.

Na UNHCR case file number le nangmah pumpak ID number na chinchiah ahcun UNHCR nih an in bawmhchanhnak ah bawmtu asi lai.Asylum seekers le Refugee pawl kan dihlak nih kan UN card le catlap pawl fawi tein zoh khawh nak ding ah kan phone in hman kan thlak lai i kan i ken chih hrimhrim ding asi.

Na UN card / catlap kha zeitik caan paohah na takpum he na thenter lai lo. Tamdeuh theih na duh ahcun UNHCR documents timi website ah zoh khawh asi. Zawnruahnak he, Chin Refugee Committee (CRC)


Post Views: 26



Source link

Add a Comment

Your email address will not be published. Required fields are marked *