MIZORAM CHUNGAH MYANMAR RAM IN A LUTMI BING RANG AN TLAIH

MIZORAM CHUNGAH MYANMAR RAM IN A LUTMI BING RANG AN TLAIH

Lawngtlai, 30 Biangreithlep 2022: Mizoram chungah Myanmar ram in rak kuatmi bing rang tlaih a si tiah 29 Biangreithlep ah All India Radio News Aizawl nih a langhter.

Champhai palek zung nih nizaan ah New Champhai chungah zohfelnak an tuah i bing rang 26 kg tluk a ritmi cu a ngeitu Pi Chindeihluni (kum 31) Bulfek khuami kut ah an tlaih, hi an tlaihmi man hi Rs. sing 13 man ( Myanmar tangka in sing 300 leng) man a si.

29 Biangreithlep ah rithaisii taihkhihnak an tuah ah Champhai pengkomh, Chalbawiha Junction, Khankawn palek checkgate ah Rs. sing 19 man ( Myanmar tangka in sing 450 leng) man bing rang 38 kg cu Zohmangaiha (kum 27) Kanan veng, Champhai khuami sinin tlaih a si.

Nizaan thiam ah Aizawl, Special Narcotics PS Team (CID Crime) nih Rs. sing 13 man( Myanmar tangka in sing 300 leng) man bing rang 25.32 kg tluk ritmi cu Lalnuntluangi (kum 38) kutcung ah Hunthar vengah an taih.

25 Biangreithlep zongah Mizoram ramkulh palek saram lei kilvengtu nih Myanmar ram in rak kuatmi saram 468 an tlaih. Chalbawiha Junction Khankawn palek nih an tlaihmi saram hi chungkuh 4, rul 21, laiking/kinglang (Lizard )442, Toed Sloth 4, Saihrem (Beaver) 2, Sahngar 1 hna an si.

27 Biangreithlep ah Assam Rifle nih Myanmar in rak kuatmi Farstar Cigarette bawm 18 an tlaih fawn.Credit-The Lairam Times

Be the first to comment

Leave a Reply

Your email address will not be published.


*