Mizoram Cozah Nih Chin state Lei In rak Luhpi Mi Caw le Vok An Kham. A Ruang An Chim mi – Thawngpang Dik Thanh Hna Usih


Myanmar ram lei in Mizoram ram ah caw le satil kuat luh nak cu Mizoram Champhai penguk biaceih zung nih phih le kham dingin biachah nak an tuah.Champhai District biaceihtu Pu James nih cun Caw le satil pawl hna I an Ke le an Kaa chung ah zawynak  (FMD) hrirai an kai tiah zumh a si tikah atu bantu in kan khamnak in a si tiah a chim.

Caw pawl zawtnak hrik pawl cu zohfiannak nei dingin Guwahati lei ah kuat an timhna kong le saram zuatnak lei I tuanvo neitu hna pawl nih cun an chim.Vok Influenza le thaw chuah satil thawchuah har zawtnak tampi cu Myanmar ram in a hung   lut mi caw pawl sin ah hmuh an si kong cu theih a si.

မြန်မာနိုင်ငံမှ မီဇိုရမ်ပြည်နယ်သို့ နွားတင်သွင်းမှု တားမြစ်ဒီဇင်ဘာလ ၁၀ ရက်၊ ၂၀၂၂ မြန်မာနိုင်ငံမှ မီဇိုရမ်ပြည်နယ်သို့ ကျွဲနွားတင်သွင်းမှု တားမြစ်ချက်ကို ချန်ဖိုင်ခရိုင် တရားသူကြီးက အမိန့်ချမှတ်ခဲ့သည်ဟု သိရသည်။ ခရိုင်တရားသူကြီး – James Lalrinchana ၏ အဆိုအရ၊ နွားအများအပြား ခြေထောက်နှင့်ပါးစပ်ရောဂါ (FMD) ကူးစက်ခံရသည်ဟု သံသယရှိခြင်းကြောင့် ဆုံးဖြတ်ချက်ကို ချမှတ်ခဲ့ခြင်းဖြစ်သည်ဟု ဆိုသည်။

နမူနာများကို ဓာတ်ခွဲခန်းစစ်ဆေးမှုအတွက် Guwahati သို့ ပေးပို့မည်ဖြစ်ကြောင်း တိရစ္ဆာန်မွေးမြူရေးညွှန်ကြားမှုဦးစီးဌာနမှ တာဝန်ရှိသူများက မှတ်ချက်ပြုခဲ့သည်။ဝက်တုပ်ကွေးနှင့် အခြားအသက်ရှူလမ်းကြောင်းဆိုင်ရာရောဂါများကဲ့သို့သော ရောဂါအများအပြားကို မြန်မာနိုင်ငံမှ နွားတင်သွင်းမှုများတွင် တွေ့ရှိခဲ့ကြောင်း သိရသည်။

SAC Ralhrang Umnak/Sakhan In Ralhrang Pakhat Hriamnam He Tlaihkhih A Tong!Bago ramtthen Paungde peng Kyarnikan (ကြာနီကန်) khua hrambunh SAC ralhang umnak/sakhan in ralhang pakhat cu hriamnam hna he a nungin tlaihkhih a si tiah (Bago Region PDF) nih thawngthanhnak an tuah.

“Kyarnikan ralhrang umnak sakhan in SAC ralhrang pawl hi a ciikpak (pa 2/3) tete in i chawh an hmang i PDF nih humhimnak kan laknak lei ah mipi (civil) thuam in aa rakchawk mi SAC ralhang pakat cu meithal puah haulo tein kan tlaih” tiah (Bago Region PDF) in nawlngei pakhat nih a chim.

December 9 ah tlaihkhih a tongmi SAC ralhrang kutchung ah MA-2 meithal pakhat, Kuanbawm pa(4) le 5.56 meithal kuanfang (200) hna zong tlaihchih an si” tiah an langhter.

SAC Nih Nawlngeihnak An Lak Hnu Thla 22 Chung Ah Chinram Ah Minung 355 An Nunnak Liam. SAC nih nawlngeihnak an lak hnu thla 22 chungah SAC ralkap nih Chinram ah minung 355 an thah hna pinah inn 1,505 an khangh, tiah a luancia November 30 ah Chin Affairs Federation nih cathanh an chuah.

A nunnak a liammi hna chungah tualchung mi 167 le Mipi ralkap 186 an si i, kum tlinglo ngakchia 24 an i tel. Hnuk ding lio ngakchia 2 le SAC ralkap uk duhlo langhternak ah 10 an i tel. Cun Pastor 4 zong an thah hna i Biakinn 10 zong an khangh, tiah an langhter. A luancia November 19 lioah Falam peng Bualte khua pawngah SAC ralkap le Chin ralkap kar kahdohnak a chuah hnu in Pu Hau Cung Nung cu meithal kahnak hliamhma he a inn kam ah a ruak in an rak char, tiah min langhter a duh lomi pakhat nih a chim.

Kan khua ning piin kan zam dih hna lioah anih hi zam a duh lo. A hna a chetmi a si i khua a thei lomi a si. Amah le minung pakhat an zam duh lo. A ruak cu an inn he pe 100 aa hlatnak ah kan hmuh, tiah a chim chap.A luancia November 8 lio zong ah Mindat peng Palungṭwe(ပလုံတွီ) khuami 4 zong SAC ralkap nih mei in an rak khangh hna. Thah a tongmi hna hi mi zeidah an si ti zong kan hngal hna lo, tiah Mindat peng mizapi ukhruainak bu in chimphuannak nawlngeitu Yaw Mang nih a chim.

Cu pinah ralhrial in sii thlopbulnak a um lo ruangah tualchung mi 17 cu an ngandamnak ca ah sii-ai an herh ngaingai, tiah theih a si.Chin ramkulh ah tualchung mi a nunnak a liammi hna kong he pehtlai in SAC kuttang Chin ramkulh in chimphuannak nawlngeitu Thant Zin cu RFA nih phone in an pehtlaih ko nain a cohlang hna lo, tiah theih a si.

Chin ramkulh ah SAC ralkap nih nuhrin covo an buarmi vialte cu a ra lami March thla ah tuah dingmi UN nuhrin covo buarnak ceihkhannak ah kan chuahpi lai, tiah Chin nuhrin covo bu nih an langhter. SAC nih nawlngeihnak an lak hnu in Chin ramkulh ah tualchung mi 40,000 leng ram chungin an zam i, India ram Mizoram ramkulh ah ralzam in aa dormi 50,000 leng an phan, tiah theih a si.

 



Source link

Add a Comment

Your email address will not be published. Required fields are marked *