Mizoram lei MDF-Mara nih CDF-Mara pa an vuak, an buai ko


Ngaphaipi khuathar ah a ummi CDF-Mara mino pa cu December 29 ah khan Mizoram lei Saisi mino (MDF Mara pawl) nih an vuak cu caah Ngaphaipi khuathar nih an lungfahnak an langter, tiah theih a si.

Ngaphaipi khuathar nih an aupimi bia cu Ngaphaipi khua kan doh lo, an kan vuakmi cung ah kan lung a fak tiin lamzawngnak kan langter hi a si tiin

Mino President nih a chim chapmi cu kan mah CDF-Mara kan caah cun India Saiha lei zong ah kan caah himnak a um lo CDF-Mara lei a dirmi poah cu vuak pen kan si tiin lungfak taktak a chim.

Ngaphaipi khua hlun le India ram a um Siasi mino he i bawm in CDF-Mara an kan vuak hi a si. CDF-Mara thi an chuakmi cu lungfak lo awk a tha lo.

Atu a voikhatnak zong a si lo a voi a tam pah cang caah kan lung a fah hi a si. Mara le Mara khua khat le khau khat kar ah remlonak a chuahtertu hi India Mara le MDF rung ah a si. MDF/India Mara an tuahsernak cu zei tin hman ah kan philh lai lo, tiah mino President nih a chim.

Kanmah CDF-Mara cu SAC ralkap a dohmi kan si nain MDF/MATC kan cungah thil an tuahmi hi minung fa kan si ve caah kan lung cu a fak ngai.

Kanmah CDF-Mara kan dirpimi cu zeitin dah SAC ralkap hi kan tei khawh lai ti tu hi kan i zuammi a si. MDF tu nih kanmah CDF lei dirmi poah vuak le doh kan si tiin lungfak bia a chim chap.



Source link

Add a Comment

Your email address will not be published. Required fields are marked *