MNDAA Nih Talhrang Uico Cu Tamtuk An Thah Ko Hna Hih

Ralhrang tat-mah 99 kuttang pawl cu MNDAA nih an kah hna caah ralhrang a tlawmbik lei in minung 8 an thi lai tiah theih a si.

Chokhleipar| May 7 | 2022
May ni 4 ah MNDAA nih Ralhrang tat-mah 99 kuttang pawl cu an kah hna caah ralhrang a tlawmbik lei in minung 8 an thi tiah theih a si. Cun April 30 zong ah MNDAA nih ralhrang motor thluan cu bomb in an kah hna caah ralhrang ceilak an thi tiah MNDAA nih cathanh an chuah.

Ralhrang nih Tidih in Kuatkhaing lamthluan viatel cu ralhrang pawl an chiah dih hna. Ralhrang nih an i timh mi cu an motor thluan an kal tik ah humhimnak ding caah a si bik ko.

April 30 ah ralhrang motor thluan bomb in an kah lio ah ralhrang lei a thimi an um len ko nain minung zeizat dah an thi timi cu fiang in theih khawh a si lo. Cun may 4 zongah MNDAA nih Moungku pengkomh i a ummi ralhrang hna zong an va kah hna.

“Ralhrang kuttang tat-maha 99 nih kanmah tat-maha 511 tang tat-yin kha kulh an kan timh hmasa nain kanmah tat-yin tang cheukhat nih anmah umnak hmun an va kah hmasa hna hi a si”tiah MNDAA nih an chim.

Ralhrang pawl nihcun hriamngan in kah an rak bawmh hna lengah ground kn zong ral bawm an rak thlah hna caah MNDAA lei hnu an kir hmasa tiah theih a si.

“Cuka hmun i kah dihnak hmun ahcub ralhrang lei a tlawmbik minung 8 an thi lai. Kanmah lei cu a thimi le hliamtuar kan um lo. Raltuk vanlawng pakhat cu a rak zuang len ko nain Vanlawng in kahnak cu a um lo. A hnu ah raltuk helicopter a zuang mi cu mizaw a phortu a si” tiah kan theih than tiah MNDAA nih an chim.

Ralhrang nih mipi nawlngeihnak an lak hnu ah ralhrang le MNDAA karlak hi Kuatkhaing hmun hma ah a tuletu i kahnak a chuak lengmang.Febuary thlachung ah MNDAA hruaitu U Phungkyarsyin a thih hnu ah MnDaA lei nih ral i thawhnak cankarlak an ngol chung nain thlakhat a ruah hnu ahcun cuka hmunhma hrawng thiamthiam ah ralhrang he i kahnak a chuak than colh. Cucaah ralhrang he pehzulh in i kahnak a chuak than kho lengmang tiah MNDAA lei nih thanhnak qn tuah.

Be the first to comment

Leave a Reply

Your email address will not be published.


*