Motor lehnak i ngakchiate zong a hliamfak, thlacampiak u sih


Nihin zinglei Aizawl le Zokhawthar karlak ah a cangmi motor lehnak ah a nunnak a liammi Pi Par Tha i a fanute zong hi a hliam a fak ngai tiah Mizoram mibawmtu pawl nih an chim.

Hringtu nu Pi Par Tha nih a liamtakmi ngakchia nute hi Esther La Muam Awm tiah an auhmi a si. Kum 1 le thla 4 lawng a si rih.

Pi Par Tha nih a fate hi a kilkawi caah atu bantuk in nunhim in a um i a si kho tiah an chim. Pi Par Tha ruak cu thaizing chun nazin 12 ah an vui te lai.

Pi Par Tha hi fa pathum a ngeimi a si. Atu sizung ah khawndennak hma he a ummi te hi a ngakchia bikmi a si.

A fate Esther La Muan Awm cu atu hi Champhai District Hostpital ah sibawite nih an zohkhenh cuahmah lio a si.

Nute Esther La Muam Awm cu hringtu a nu Pi Par Tha nih a liamtak.

Nihin zinglei motor lehnak ah khan minung 5 an thi. Pi Par Tha, Tial Lian Ceu, Lal Lung Hnem, Mung Sian Dong le Khupa hi a thimi an si.

An motor mongtu pa, ngakchia nute le khualtlawng pa pakhat hi sizung ah an thlopbul hna lio a si.



Source link

Add a Comment

Your email address will not be published. Required fields are marked *