Muithla/khuachia le Wifi zoom meeting

Hika zawn tlangbo hi muithla or khuachia ahrang ngai tiah an ti nak hmun asi. Mi tamial nih hika zawn ah hin muithla or khuachia nih an kan tthih an ti lengmang theu.

Acheu nih hi muithla or khuachia hi pa asi lai a cawl achia tuk an ti. Acheu nih le nu asi lai zeica tiah arak ilangh tik ah a zihmui rim hi a tur in a tur an ti ve.

Hika tlangbo zawn celngel cu Wifi a ttha ngai fawn. Mui hnu ko ah hin Wifi cu afiang khun. Muithla or khuachia nih an kan tthih an ti can hi zan le mui deuh ah cun asi fawn.

Muithla le khuachia ka zum lo/ka ttihlo ti ko bu zong ah chim le ceih a tam hrat ah cun hrial deuh cio asi. Asinain hrial awk thalo in phone chonh duh tik le meeting tuah duh tik ah cun chun asi pek zan asi pek ah fuh le panh theu cu ahau.

Wifi line atthat deuh nak hmu kawl in ramlak ah arem ning in cabuai hun in chanthar meeting tuahnak room zoom chung i luh izuam cu asi fom. Chunceu ah cun mi a tthih lo an ti i hna angam sut.Credt-Chak Um Pa

Be the first to comment

Leave a Reply

Your email address will not be published.


*