Myang Peng Chungah Mipi Ralkap Nih Ralhrang Uico Tamtuk an thah hna

Myang ah pehzulh in nili chung ralhrang le mipi ralkap i kahnsk a chuak. Ralhrang minung 12 an thi tiah theih a si.

Chokhleipar | May 6 | 2022

Magwe ramthen Myang pengah ralhrang a hung lut mi hna cu mipi ralkap pehzulh in nili chung an i kap hna i ralhrang uico minung 12 an thi tiah MVRF nih May 6 ah thawng an thanh.

Tuthla May nikhat in Myang peng thlanglei in ralhrang milu thazaang 70 an lut i lampi ah mipi ralkap nih Gurrila in an kah peng hna tiah theih a si.

May nikhat in pehzulh in i kahnak a chuak .Ralhrang hi minung 12 an thah khawh cang hna tiah mithmutu pakhat nih a chim. “Kanmah lei kap cu paraltha pakhat fak nawn in hliamhma a pu” tiah MVRF nih thawng an thanh.

Ralhrang ruangah cu ka hmunhma hrawng khuate pathum inn 100 renglo cu himnak hmun ramlak ah an zaam hna. Mipi ngeih mi Motorcycle le motor 30 renglo an hrawk dih tiah theih a si.

Culawng si lo in khuami pahnih nak tam ralhrang nih an thah hna i minung 13 an tlaih hna tiah MVRF nih an thanh chih. Ralhrang uico phu cu pehzulh in in MVRF le a dang hriamtlai phu hna nih an kah thluahmah rih hna tiah theih a si.

Be the first to comment

Leave a Reply

Your email address will not be published.


*