Myanmar Mipi Lei NUG he Na pehtlaih Lo ahcun Tiah China Ralrin An Pek

Sagaing ramṭhen, LetPaTaung Taung(လက်ပံတောင်းတောင်) Copper project a tlaitu Tuluk ram um Wanbao(ဝမ်ပေါင်) Companny ah a kalmi Electric tung cu, tualchung PDF nih bomb in an puah, tiah theih a si.

Wanbao Companny ah NguangpinKyi(ညောင်ပင်ကြီး) electric zung in Tuluk ram um Wanbao Companny ah a kalmi meitung cu June 24 zanlei ah Amih Me(အမိမြေ) PDF le Young People Force (YPF) nih kan hrawh, tiah cathanh an chuah.

Hi ti kan tuahmi hi mizapi tlaih khihnak, thah nawnnak le khuate inn khaangtu SAC ralkap cu Wanbao Companny nih riahcaw an pek, a bawmhchanh caah ralrin kan pek hna a si, tiah an langhter.

LetPaTaung Taung Copper project cu SAC kuttang Kawlram chawleh chawhrawlnak Oo Paing Companny le Tuluk Wanbao Companny i bawm in an ṭuanmi a si.

SAC he i bawm in rian a ṭuanmi Sagaing ramṭhen, Yinmarpin-Salinkyi hmunram um Tuluk Copper project an ṭuan ahcun kan doh hna lai, tiah PDF phu 16 nih a luancia April 20 ah ralrin peknak cathanh an rak chuah.source-Khitthit

Be the first to comment

Leave a Reply

Your email address will not be published.


*