Nang Na Zum Maw? CNDF-Falam Nih Thlathlum Chung Ah Kawl ralkap Minung 37 Bak Kan Thah Khawh Hna Tiah Cathanh An Chuah


December 1: Chin state, FALAM Peng leh Sagaing ramthen Kalaymyo peng ah Kawl ralkap hna he thla thum chung voi 12 kan i kah nak ah Kawl ralkap minung 37  kan thah khawh hna tiah CNO/CNDF Falam nih an thanhmi cu a tanglei van tuk in an langhter.

September thla thawk in khan November thla tiang Thla 3 chung ah CNO,CNDF le Kawl ralkap kan i kahnak ah Falam peng Tibual khua ah voi kua,Tuphei khua ah voi 1, Kalaymyo ah voi 1, a dih lak in voi 12 kan i kan i kap i,

Hi i kah nak ahhin Kawl ralkap lei in minung 37 an thi i, kanmah CNDF falam lei in minung 5 kan i hliam tiah an chim mi cu theih a si. Cun an chim chapmi cu

November 15 thawk in 23 tiang kha Kawl ralkap hna nih Tibual khua cu an tthuat len i, Kawl ralkap hna nih Tibual khua cu bom in an kah ruang ah Inn 3 cu a kaang dih i, Bualte khua ah mitlamtlinglo pa pakhat  an thah pin ah, mitlangtlinglo nu pakhat Ralhrang nih an tlaih fawn tiah CNO falam nih cun cathanh an chuah. Tuibual khua an  i kahnak ahhin

CNDF nih Camp cu an la kho lo ti ah theih a si i, Kawl ralkap zong a tu tiang cu Camp ah an um rih ko ti a si. Kawl ralkap camp cu CNDF nih drone in tam ngai an hrawh ti hi an hmanthlak ah hmuh khawh a si.

Thailand Ah Rianțuanding In A Kalmi Motor Aa Let, Myanmar Mi 3 An Nunnak Liam. MOU in Thailand ah phungning tein riantuan ding ah a kalmi Myanmar mi 3 cu an i tinhnak hmun an phanhlan lam tanțim ah an motor aa leh caah an nunnak a liam tiah theih a si.

Nunnak liammi 3 hna cu Shan ramkulh Pinlung peng Htiyun khua ah ummi Khun Han Aung(kum 19) le a rianțuan hawi minung 2 an si tiah theih a si.

Ramchung buaibainak ruang ah le thilman an kai, hartong an tam i rianțuan ding a har caah ramleng kal ding in MOU system hmang in phaisa tampi dih in ruahchannak tampi he November 29 ah Pa Khun Han Aung telh in Myanmar rammi mining 45 cu khualtlawng motor he zaan ah an chuak hna tiah theih a si.

An i tinhnak hmun an phak hlan lam tanțim Mesauk-Bangkok lampi km 68 hmun pawng an phanh ah motor in cangsual an ton caah Khun Hai Aung telh in Myanmar mi 3 an nunnak a liam i, midang Myanmar mi hna zong hliamhma an tuar hna tiah theih a si.

Hranhram in nawlngeihnak latu SAC ralkap dohnak ah a cawlcang ngaingai mi Dagon sianghleirun siangngakchia 7 hna cu, nizan November 30 ah Insein thonginn chung biaceih zung nih thah ding in bia an khiahpiak hna, tiah theih a si.

2022 April 18 lioah SAC ralkap nih Khant Zin Win, Thura Maung Maung, Zaw Lin Naing, Thiha Htet Zaw, Hein Htet, Thet Paing Oo, Khant Lin le Maung hna cu ralkap uknak nan doh tiin an rak tlaih hna.

Cu pinah North Dagon Kabar Yatana(ကမ္ဘာ့ရတနာ) bank manager ralbawi Saw Moe Win thahnak kongah pehtlaihnak nan ngei an ti hna i thah ding in biaceih zung nih bia an khiahpiak hna hi a si, tiah theih a si.

Insein thonginn biaceih zung nih Dagon sianghleirun ah ca a cawngmi siangngakchia 7 hna cu section 302(a) in thih dan an pek hna , a taang rihmi case 2 zong checkhlatnak an tuah cuahmah hna, tiah theih a si.

A luancia May 24 lio zong ah N. Dagon No.45 sang bawi Khin Maung Than kah thahnak ah teltumnak nan ngei tiin mino 4 cu nizan November 30 ah thah ding in biaceih zung nih bia an khiahpiak ve hna, tiah theih a si.

SAC nih a luancia July thla ah 88 siangngakchia hruaitu Jimmy, Phyu Zeyar Thaw le minung 2 zong an rak thah cang hna.

 

SAC Ralkap Meithal Kuan A Thli In A Phurtu Motor(htawlagyi) PDF Nih An Tlaih

Mandalay ramṭhen, Mataya pengchung ah SAC ralkap nih an hriamthil le an zenkuan a thli in an phurhnak htawlakyi pakhat cu Natsoe underground dohthlengtu phu nih an tlaih tiah theih a si.

Mataya peng Myaung U khua le Kyatpin khua kar Ngoatpyun(ငုတ်ပြွန်) khua pawng ah November 30, zinglei suimilam 7:00 hrawng ah checkhlatnak kan tuah i kuanfang, SAC ralkap hmat-pung-ṭin le passport hna kan tlaih chih tiah Natsoe underground phu chungtel pakhat nih a chim.

Htawlakyi khaltu nih cun ”SAC ralkap nih an hmanrua ah an ka tlaih” tiah a chim, ”a tutiang motor khaltu cu checkhlatnak kan tuah i kan hren chung, a mah nunnak le humhimnak ding caah a sining kong fianghlang in kan chim kho rih lailo ,

tlaih a tonnak pawng ah SAC ralkap nih umhmun an khuar i cu ka lei ah cun an thilri cu an phorhter” tiah Natsoe Underground phu nih an chim.

 

 

 



Source link

Add a Comment

Your email address will not be published. Required fields are marked *