Natchaung Khuachungah Mipi Ralkap Fonh Phu Nih Ralhrang Uico An Kah Cuahmah Lio Hna Asi

Sagaing ramthen, Kalaypeng Pyidawthar khuate le Letpanchaung khuate karlak ah ralhrang uico le mipi ralkap i fonh phu hna cu nihin April 13 zingka suimlam 10 am tluk in i kahnak a chuak i chunhnu suimilam 2pm tiang pwhzulh in i kahnak a chuak tiah pawngkam hna nih an chim.

Nizan April 12 ah ralhrang uico phu nih Kalay peng Thatyakung khuate hnulei ah a um mi PDF Kalay battalion 3 an sakhan cu an luhhnawh hna i PDF Kalay hriamnam tam nawn te an lak piak hna leng ah an sakhan cu mei in an khangh piak hna tiah theih a si. Ralhrang uico pawl nih an kulh hna i mipi ralkap pawl cu an zaam manh ko nain an hriamnam le an thilril cheukhat cu an zaam tak caah ralkap nih an lakpiak khawh hna nak hina si.

Curuangah ralhrang uico pawl lehrulhnak ah mipi ralkap pawl i fonh phu nih nihin April 13 zing suimilam 10am tluk in ralhrang pawl cu Natchaung khua ah an tuk leh hna caah kaphnih i kahnak a fak ngingai tiah an i kahnak hmun pawng hna nih an chim. Tuzing kaphnih i kahnak ahcun ralhrang uico phu nih hriam ngam voi 40 renglo an kah tiah khuami hna nih an chim.

Tuzing mipi ralkap phu fonh le ralhrang uico i kahnak ah hin ralhrang pawl milu 100 tluk an si lai tiah qn zumh. Nain ralhrang lei minung pa zeizat an thih timi le mipi ralkap lei zong a thimi le hliamtuar an um le um lo a tutiang ahcun theih khawh a si rih lo lengah tuzing i kahnak hmun pawng hrawng a um mi khuate khua 6 hna cu a himnak hmun ramlak ah an zaam dih cang tiah theih a si.Credit-Zalen

Be the first to comment

Leave a Reply

Your email address will not be published.


*