Ngakchia Pathum Nih ralhrang Tarhmi Bom An I lamh sual i, faak tuk in an i hliam – Thawngpang Dik Thanh Hna Usih


2022 November 28 – Shan ram thlanglei Moebye khua chuahnak November 27 chun sml 12:00pm hrawng ah hngakchia 3 bom an i lamh sual i an i hliam tiah hngakchia a bawmtu Moebye Rescue Team rianngeitu nih a chim.

Hngakchia pawl hi Moebye Charity sianginn siahngakchia an si i khualeng ah a um mi pura tlang lei an vahnak ah bom an i lamh sual hi a si tiah Moebye Rescue Team rianngeitu nih RFA ah a chim.

Hngakchia hi kum 12, kum 15 le kum 16 an si. Pakhat hi a lu aa hliam, a fak ngai i sizung ah kan kuat, adang pahnih hi an ke an i hliam, kanmah phu nih kan thlop hna i sianginn ah kan kuat ṭhan hna” tiah a chim.

Moebye PDF rianngeitu pakhat nih cun SAC nih an hmanh mi a si tiah a chim.

Chin Ramkulh, Kangaw Peng Le Kalay Ah Ni Thum Chung Electric Mei A Mit Lai

Sikpar [November] 28 zaanlei in Ngaingpinkyi-Chaungku line 230KV hri a cah ruang ah Chin ramkulh, Kangaw peng le Kalay ah December 2 tiang mei a mit lai tiah ṭuanvo ngeitu hna nih thawng an thanh.

Paoh peng, Chaungku lei ah 230 KV line a rawhnak an kawl khawh cang i Pakokku in a herhmi thilri an rak phorh lai. A ser ah ni hnih poh cu an rau lai tiah theih a si.

Mei a mihnak khua hna hi Chin ramkulh; Mindat, Matupi, Kanpalet, Hakha, Falam, Kangaw peng le Kalay hna an si.

AA le SAC ralhrang karlak kahdohnak ngol ding in Sikpar 26 ah hnatlaknak an tuah dih hnu in motor lam he ti lam he thla 2 chung tluk an phihmi on an timh tiah theih a si.

Lam phih piak ruang ah Rakhine mipi pawl an temhtuar tuk cang ruang ah minung hawi zawnruah nak he kaphnih kar kahdohnak ngol ding in an chimh chawnh hna i Sikpar 26 ah hnatlaknak an tuah hi a si tiah theih a si.

NGO, INGO le mi bawmchantu phu kip luhnak nawl an pek hna lo nak hmun; Buthitaung, Maungtaw, Rathetaung, HmyatOo, Minpya, Myebon, Paoh-htaw, le Kyauthtaw peng hna ah mibawmchantu an phanh ding kan i ruah chan tiah tualchung mi nih an chim.

Bomb Lamh Sual Ruangah Matupi Khuami Pakhat A Nunnak A Liam

Chin ramkulh, Matupi khua ah nihin November 29 zing sml 9:00 hrawngah Pu Ya Peng le a nupi cu, SAC ralkap Khah Lah Yah 304 sakhan lei kap an dum ah an kal lioah bomb an i lam sual i Pu Ya Peng cu a nunnak a liam, a nupi zong a ke ah hliamhma a pu i Matupi sii-inn ah an kalpi, tiah theih a si.

Lawng Van sang ah a ummi Pu Ya Peng(kum 56) cu pehtlaihnak zung ah rian a ṭuanmi a si i, fapa pahnih le a nupi a roh tak hna, tiah theih a si.

SAC Nih AA Chungtel Thongtla 17 Kan Thlah Hna Tiah An Thanh Nain 3 Lawng An I Tel

A luancia November 17, national day lio ah SAC ralkap nih thongtla mi hna chung in AA chungtel 17, KIA 20, RCSS/SSA 5 le KNU/KNLA 2 kan thlah hna tiah November 18 ah cathanh an rak chuah.

SAC nih AA chungtel 17 kan thlah hna tiah an thanhmi chung ah AA chungtel 3 lawng an i tel i, a tangmi minung 14 cu tualchung mi an si tiah nihin November 28 ah tuahmi AA thawngfianternak hmun ah AA in chim phuannak nawl ngeitu Khine Thu Khah nih a chim tiah theih a si.

“SAC nih an thlahmi hna chung ah kanmah AA in minung 3 lawng an i tel, a dang cu ULA/AA nan si tiah an rak puhmi tualchung mi an si. Kanmah lei in luatnak a hmutu hna nih cun headquarter ah theihternak an kan tuah, midang tualchung mi tu nih cun kan sin ah pehtlaihnak a kan tuah lo” tiah a chim.

“SAC nih ULA/AA chungtel tiah min bunh in tualchung mi sawhsawh cung ah tlaihkhihnak a tuah, cozah rianṭuantu hna zong an i tel i tlaihkhih a tongmi dihlak chung in minung 85 an thlah hna” tiah a chimchap tiah theih a si.

Rakhine ramkulh ah SAC rallap le AA kaphnih kar kahdohnak a daih caah SAC nih tlaihkhihnak a tuahmi tualchung mi hna thlahpiak ding ah khuami le tlaih a tongmi chungkhar hna nih an i ruahchan tiah theih a si.

 

 

 



Source link

Add a Comment

Your email address will not be published. Required fields are marked *