Nihin ah ka buaipi ngaimi Bual Battalion nih tarmi video kong

Nihin ah ka buaipi ngaimi Bual Battalion nih tarmi video kong

Bual Battalion cu kan theih bantuk in CDF-Thantlang chungah a ummi an si. Palik le Biaceih Zung cu Thantlang a hngak cuahmah mi CDF tlangval pawl ( CDF Army ) bantuk in CDF-Thantlang tangah a um ve mi Bu an si.****

Bungkhua IDP Camp kan zoh dih hnuah Lungler ah kan va leng ta. Zahnak Battalion Chairman nih a caan sunglawi a kan pek i zoh ding tete a kan zohpi hnuah Palek treaning a kai mi pawl zoh ah kal hna usih an ti ah kei ka lau ngai…Norway in ka rak i rawnhmi ka riahcaw ah CDF lawng a um cu.. Kan va kal cu an ni din lio he ai tong i mi tampi lengah an rak chuak kha a langpar in ka hei hmuh. Cawnpiaktu pa cu kan hei chawn pah. An ni cawnpiak mi kong cu ka thei lo nain CDF-Thantlang chung um Batalion zapi an tel lai ka zumh. Ka va kalnak kong chim duhmi silo in Palik hi CDF-Thantlang tangah a ummi bu pakhat a si ve bantuk in rian a ngei ve mi an si tikha chim ka duh. Tutan an tuah serhnak an vun langhter mi ah comment le ca post tampi a um. Ka lung a ttha lo ngai. Ramchung, ramleng, miphun ralkap he, nunphung a dawtu he

An video post nakah an ttial chih mi cu “Biaceih zung nih biaceihnak a tuah dih hnuah thlet dih a si” tiah an ti. A za tiah an ceih hnu i an thlet ko mi cu a ruang a um la ti tuak lo awk a ttha lo. Kan zawtnak ai khah cio lo bantuk in kan dinmi sii i khah dih awk kan ttha lo. India i ka zawt ahkhan an ka pekmi sii cu a tam ning Norway lei ka nau nu nih cun ding hlah a ka ti. A mawh lo Norway ahcun Paracet le IBUX pin din ding sii kan ngei lo tluk a si. Nain India le kawlram ahcun na herh an ka ti bak ko caah ka din ve ko. Umnak hmun le hma ai dang ningin herhmi ai dang cionak kong langhter ka duh.

Ka khualtlawnnak ah ka mit nih hmuhmi tuahserhnak le ka hna nih theihmi, ka lung a si deuh lomi a um len ve ko nain Miphun caah nunnak a thaptu hna kong tampi chim ka duh tuk lo. Ka chim hman ah an thazaang dernak a si sual lo ding kai ralrin peng. Nain tutan Bual Battalionn chung i a um ve mi Bual Palik thil tuahnak video kongah comment le ca post mi tete ka zoh ah ka sia a rem lo ngaingai. Ka facebook in ka hmuh khawh mi vialte hna, nan nau le si hna sehlaw ai ning deuh ka ti. Pakhat le pakhat nan ttuanmi rian nan ni upat lo ngai mi hna a lo ee. Ka palh lo ahcun nanmah lila nih pei kan tuah khawh mi ai dang cio lai, miphun caah kan tuah khawh mi cio in kan ni zuam cio hna lai nan ti kha. Nanmah le nanmah hman nan ni soisel lengmang ko ahcun zeitin. Nan comment le nan ca post mi nih Online chung lawngah nan kong a theitu nan kan vaivuanh tuk sual lai ee.
Photo : Jan 14. 2022 ( Lungler )Credit-Ni Par Hlawnceu

Be the first to comment

Leave a Reply

Your email address will not be published.


*