Nihin kan vawlei ah thil kan thup kho ti lo

Thuhmi thil vialte an pawt/ chuak lang dih te lai. Cucu hmelchunhnak a si. Nihin kan vawlei ah thil kan thup kho ti lo, kum million in a rak i thupmi thil an hmuh cuahmah hna. Minung kan ziaza, a thli in kan tuahmi vialte a puang lang tthan ngawt cang.

Mah hmanthlak ka tarmi hi NASA timi van le vawlei a kherhlaitu hna nih arfi (Van i a ceumi/ vawlei/ thil phun) zeitindah an sem timi an kawlnak i an thlak fuhmi mit hmuh khawh lomi van (vawlei leng) a si. Hi hmanthlak a thla khomi thil cu James Webb-spacetelescope ti a si le, kum 20 chung arfi kong van ah a kawl cangmi a si.

Sernak kong hi Bible ah kan relmi a si le van le vawlei a hlathlaitu mifim hna an hmuhmi nih a ka zumhter chinchin. Big Bang timi puahnak nganbik cu a luancia billion 14 hrawng ah a rak chuak i mah thawk cun vawlei hi a van chuak ve ti an zumh. Cu a puah hlan ah zeitin a um ti an thei kho lo, Bible lawng nih a chim khawh.

Tu hmanthlak hi minung nih a voi khatnak van kan timi ah a ummi kan hmuh khawhmi si caah ka van tar, a thei cangmi nan tampi nain a thei lomi caah.

NASA website ah lakmi a si. Hmanthlak zoh law a kong tawi um.Credit-Si Bawimang Lian

Be the first to comment

Leave a Reply

Your email address will not be published.


*