Nihin Matupi Thawngpang Vun Theih Than Cu A Poi Tuk Hringhran E

Matupi hi thawngtha a um kho bak ti lo. Ralhrang Min Aung Hlaing nih hin India ramri lei a si ve caah hriamnam luhpi ak le a dangdang luhpinak ah an hmantuk tinphun in a ralhrang pawl milu chap a timh lengmang.

Matupi khuapi ah phone line a ngahlonak a sautuk cang. june 15 thawk in ralhrang Min Aung Hlaing phu nih Phone line an chiat ter in June thla dih tiang line khi khuaruahhar in a chia. Nihin July nikhat clincun phone line hrimhrim a chiat si ti lo in a tlai bak in a tlau cang tiah Matupi khuami hna nih an chim.

Nizan June 30 tiang cu phone chawnh khawhh a si rih. Nain nihin zingka in phone line a ngah hrimhrim a ngah ti lo. Zeiruang ah dah phone line a tlai bak in a tlau hnga timi cu kan thei lo nain Min Aung Hlaing nih Matupi ah thil tuah a duh mi a um than caah a si ko lai tiah an zumh.

Matupi peng chung ah hin MPT, Telenor le Oredoo hna lawng an ngah in nihin zingka thawk in cun phone line a pathum ning tein a tlau dih cang tiah theih a si. Culawng si lonin Matupi ah hin Internet line a tlaunak a ngahlonnak hi a kum in kum khat leng a si cang tiah Matupi khuami hna nih an chim.

Ralhrnah naitan ah khan Matupi khuapi in Lailenpi lei ah ralhrang tamnawn thazaang a chap hna. A ruang cu Lailenpi hi Innpa India he ramri aa naihnak hmun te a si tik ah Min Aung Hlaing nih hin ramri ah a minung pawl chap a timh hna tiah zumh a si. A minung pawl ramri ah a chap hna ahcun india lei in a rak lut ding mi thilril pawl hi kan control khawh deuh lai tiah an i ruahchan. Nain nihin tiang ahcun Min Aung Hlaing le anau le pawl nih ramri in thilril an control khawh cang timi cu thawngpang a leng rih lo. Source-Zalen

Be the first to comment

Leave a Reply

Your email address will not be published.


*