Nihin Putin Le French presidenh an i chawnh lio ah Ukraine Kongah ralrin a pek

Vladimir Putin Nih Ukraine ram ningpi in ka lak cang lai. Rak zoh uh hi nak zualhma in ka phomh cang lai tiah tuni ah ralrinpeknak a chim.

Nihin French presisent Emmanuel Macron he phone in an i chawnh lio ah a tubantuk in a chim hi a si. Putin nih Ukraine ningpi in lak a timh hrimhrim cang ko tiah fElysee Palace spokesman nih fianternak a chim ve.

Ukraine cozah nih anmah tein an sungkhan lo bak ahcun rak zoh uh hinak in zualhma in nan hmuh lai tiah Putin nihcun a chim. Un Putin nih Special ralkap cu Ukraine ningpi in lak ding ah khuapi chung bak ah a ler cang ko hna. Nain Ukraine president Zelensky nih kan khualipi cu Russia kut ah a tlu hrimhrim lai lo a ti ve.

Russia special force pawl nihcun Ukraine Khualipi Kyiv le Kharkiv ahcun bomb lian pipi he an kah caah ram mipi a thongthong in harnak an tong cang.Cucaah A rawkral mi cungah Russia nih a tuar ve lai tiah Ukraine president Volodymyr Zelensky nih a chim ve. A rawkmi inn lo vialte Kan tharchuah dih than lai, lam le kan khualipi a rawkral mi poah a mah ning in kan remh than lai tiah Ukraine President nihcun a chim.

Russia ralkap nih Ukraine a luhhnawh i a tuk ni thawk in nihin tiang ah a pakhatnak Russia nih a control mi cu Kherson khuapi hi a si. Kherson khuapi ahcun Russia ralkap lawng te an si cang i Curfew an tuah cang.Dailymail

Be the first to comment

Leave a Reply

Your email address will not be published.


*