Nizan ah Uico Ralhrang Pahnih Nih Nungak Nu An Tlaihhrem

Thanlyin ah Min Aung Hlaing kuttang uico ralkap pahnih Sergeant Kyaw Zaw Oo le Lu Lu Kyaw nih hramhram in nungak pakhat an tlaihhrem i na kan phuan a si ahcun tiah an thihphai rih tiah theih a si.

Chokhleipar |May 8 |2022

Yangon ramthen Thanlyin peng ah nizan zaanlei ah khan Min Aung Hlaing uico kuttang ralhrang pahnih
Sergeant Kyaw Zaw Oo le Lu Lu Kyaw nih nungak pakhat hramhram in an tlaihhrem i tlaihrem a tong mi chungkhar nih polik sakhan ah chimphuannak nawl an ngeilo tiah
Thanlyin Channel nih an chim.

Thanlyin ralhrang zung Sergeant Kyaw Zaw Oo le Lu Lu Kyaw nih May 7 zaanlei suimilam 4pm tluk ah khan nungak pakhat cu anmah pahnih tuanvo an laknak hmun Tilawng sehzungah an kalpi i hramhram in an tlaihhrem. Cu a chungkhar nulepa zong cu kong cu leng ah chuahter lo ding in ralhrang lei nih tlerhkhawnnak an tuah rih hna. Cun nungak a tlaihhremtu Sergeant Kyaw Zaw Oo le Lu Lu Kyaw cu hmundang ah thial ding in timhtuahnak an ngeih cuahmah lio hna tiah theih asi.

Nungak nu a chungkhar hna cu thawngpang lengah chuahter lo ding in an thihphaih hna. Tulio caan ah hin ahmuhphut zongah a phut tu lila zong a him lo tiah ralhrang uico nih an tinak hna kong cu Thanlyin Channel nih an tial.

Ralhrang uico pawl cu mipi sualnak a ngeilo mi hna an thahnawn hna lawng si lo in a tu ahcun nu pawl zong hramhram in tlaihrem hram an hun thawk cuahmah cang. Ralram an kalnak hmun ah nu pawl an tlaihhrem lengmang cang hna tiah Yangon Khithtitmedia nih a chim.Photo- Aljazeera ။P

Be the first to comment

Leave a Reply

Your email address will not be published.


*