Nizan ah YDF Nih Ralhrang Ceilak An Thah Hna i an Ruak helicopter an lak

Kyaw in Gangaw lei a ra mi SAC ralhrang pawl voih hnih kah in YDF nih an kah hna caah ralhrang 25 leng an thi tiah an langhter.

Nizaan Pur 2 ni zing suimilam 8:00am hrawngah khan Kyaw in Gangaw lei a ral mi SAC ralhrang pawl cu YDF battalion (13) nih meithal le hriamngan he kan rak kah hna caah a hnu bik Mawtaw 2 an rawk i ralhrang 10 tluk an thi, hliamhma fak a tuar mi zong an um tiah YDF nih cun an langhter.

Cun mibawmtu a ra mi zong an rak kah tthan hna hi SAC ralhrang lei in a thimi an tam tiah an langhter chap.

“Mi bawm ding in a ra mi mawtaw 4 cu landmine bomb kan rak puah hnawh ve hna, cu le cangka SAC ralhrang pawl i tthek in hmunhma an lak hlan ah hriamngan in kan kah hna caah ralhrang lei 20 tluk an thi” tiah YDF nih an langhter.

Hi kahdohnak ahhin ralhrang lei nih Helicopter in mi ruak pakhat cu an phurh lio kan hmuh caah SAC ralkap lei in Brigadier nak in a niam lo mi ralbawi a thi hrimhrim lai tiah YDF nih cun an ruah damh.

Hi kahdohnak ahhin mipi ralkap YDF lei in aho hmanh hliamtuar zong an um lo.

Be the first to comment

Leave a Reply

Your email address will not be published.


*