Nizan CDF Mindat Nih ralhrang Uico an thah mi an phuan

Matupi in a kalmi ralhrang uico Mindat CDF nih naih te in an kah hna caah uico pali an thi i pathum nih faktuk in hliamhma sn tuar tiah theih a si.

Chokhleipar | May 1| 2022

Chin ramkulh Matupi in Mindat lei ah a kir than mi ralhrang uico phu cu CDF Mindat nih mengtung 71 hrawnghrang ah naihte in an kah hna i ralhrang uico phu minung pali an thah khawh hna lengah minung pathum fakpi in hliamhma an tuar tiah theih a si.

Mengtung71 hrawnghrang an phanh hi zanlei sang suimilam 2 pm tluk a si i CDF Mindat nih an kah colh hna. Ralhrang uico minung 4 an thi hi fakpi in minung pathum nih hliamhma an tuar” tiah CDF mindat chiam phuannak nawl nei nih a chim.

Culawng si lo in CDF Mindat nihcun bomb zong in an kah hna i ralhrang uico pawl a thimi zat fiang in theih a si rih lo tiah a chimchap. Bomb in an kah mi hna ah hin ralhrang motor zong cu a khen ko.tuzan cu mengtung 70 ah ralhrang phu hi riak dawh an si tiah theih a si.

Tutan ralhrang uico motor 70 in a kir mi hna ralhrang milu 300 tluk cu April 27 in Matupi in Mindat lei an tim i April 27-28 ah CDF Matupi nih an rak kah hna caah ralhrang 15 an thi tiah CDF Matupi nih thawng an thanh. Mindat-Matupi lam hi meng 108 tluk a hlatnak lam a si i Matupi peng chungah CDF Matupi nih an rak phomh hna bantuk in Mindat peng chung an phanh bak ah CDF Matupi nih an rak kah than hna hi a si.

Be the first to comment

Leave a Reply

Your email address will not be published.


*