Nizan Lawngah Kani Ralkap Nih Ralhrang Uico A Sawm In An Thah Ko Hna

Kani ah mipi ralkap le ralhrang an i kap i bokyi telh in ralhrang 30 cung an thi i Myaung zongah Bokyi pakhat telh in ralhrang 17 an thi rih.
Chokhleipar

Sagaing ramthen Kani peng Dese tiva kam ah ral lam a rak sermi ralhrang uico 80 renglo cu mipi ralkap he nizan May 31 zingka in an i kap hna i bokyi pakhat telh in ralhrang sawmthum renglo an thi tiah Dragon Brothers Task Force – DBTF nih thawng an thanh.

Ralhrang uico hna cu KLG PDF ၊MPDF၊ Dragon Brothers Task Force-DBTF၊Yoma Fighter(Yinmarbin PDF)၊Spring Gurellia Platoon၊People Defence Army Yinmarbin hna nih suimilam pahnih cung an i kap hna i Bokyi pakhat telh in ralhrang uico sawmthum leng an thih hi a si.

I kahnak a dih hnu ah Ralhrang uico pawl nih Drone tampi an hman i Bomb an hmanh mi nih mipi ralkap pasaltha hna minung pa4 an i hliam hna. Ralhrang lei a thimi le hliamtuar an tamtuk ruangah chungnu ah ralhrang uico nihcun raltuk vanlawng Mi-35 a rak kah hna nain tangtirual phu mipi ralkap cu i hliam lo tein hnu an kir kho than hna.

Cu vebatuk in Sagaing ramthen Myawng peng Taase khua kam i mipi innlo mei a khanghtu phu ralhrang cu May 29 ah khan mipi ralkap nih an phomh ve hna caah bokyi telh in ralhrang uico 17 renglo an thi tiah MSPDF nih thawngthanhnak an tuah. Ralhrang hi 17 an thih lawng si lo in minung 20 cung hliam an tuar tiah theih a si. Ref-Khitthitmedia

Be the first to comment

Leave a Reply

Your email address will not be published.


*